കഴിഞ്ഞ ദിവസമാണ് മംഗലശ്ശേരി നീലകണ്ഠനായും, മകൻ കാർത്തികേയനായും മോഹൻലാൽ നിറഞ്ഞാടിയ ‘രാവണപ്രഭു’ റീറിലീസായി തിയേറ്ററുകളിലെത്തിയത്. സിനിമയെ എന്നപോലെ മലയാളികൾ പാട്ടുകളും നെഞ്ചിലേറ്റിയിരുന്നു. ചിത്രത്തിലെ പുതിയ പോസ്റ്ററിൽ നിന്നും ഗിരീഷ് പുത്തഞ്ചേരിയുടെ പേര് ഒഴിവാക്കിയതിൽ വിമർശനവുമായി കഴിഞ്ഞ ദിവസം ഗാന രചയിതാവ് മനു മഞ്ജിത്ത് പോസ്റ്റ് പങ്കുവച്ചിരുന്നു. ഇപ്പോഴിതാ ആ ‘കുറവ്’ പുതിയ പോസ്റ്ററിൽ തിരുത്തിയിരിക്കുന്നു എന്നറിയിച്ചുകൊണ്ട് വീണ്ടും എത്തിയിരിക്കുകയാണ് മനു
ഫെയ്സ്ബുക്ക് കുറിപ്പിന്റെ പൂർണരൂപം:
ആ ‘കുറവ്’ പുതിയ പോസ്റ്ററിൽ തിരുത്തിയിരിക്കുന്നു എന്നറിയുന്നു. ഒരുപാട് സന്തോഷം..എല്ലാവരോടും സ്നേഹം..! അങ്ങനെ വിട്ടുപോകാൻ പാടുള്ള പേരല്ലല്ലോ അത്… “ഗിരീഷ് പുത്തഞ്ചേരി” എന്നാണ് മനു കുറിച്ചത്.
പുതിയ 4K പതിപ്പിൻ്റെ പോസ്റ്ററിലേക്ക് പഴയ പേരുകൾ പകർത്തി എഴുതുമ്പോൾ അതിൽ ഗിരീഷ് പുത്തഞ്ചേരി എന്നൊരു പേര് ഒഴിവാക്കിക്കളയാനുള്ള ‘ധൈര്യം’ തോന്നിയത് ആർക്കാണെന്നറിയില്ല എന്നും അതൊക്കെ സമ്മാനിച്ച പ്രതിഭാസം മരിച്ചു പോയെന്നേ ഉള്ളൂ. മറഞ്ഞു പോയിട്ടില്ല. പോവില്ല. ചില ഓർമ്മക്കുറവുകൾക്ക് പേര് ‘മറവി’ എന്നല്ല. ‘നന്ദികേട്’ എന്നാണ് എന്നായിരുന്നു മനു മഞ്ജിത്ത് കഴിഞ്ഞ ദിവസം പോസ്റ്റിൽ കുറിച്ചത്.
പോസ്റ്റ് വൈറലായതോടെ സോഷ്യൽ മീഡിയയിൽ വിമർശനങ്ങൾ ഉയരുകയും ചെയ്തു. ഒരു ഭാഗത്ത് പ്രേക്ഷകർ ഗാനങ്ങൾ ആഘോഷമാകുമ്പോൾ അത് സമ്മാനിച്ച ആളെ മറന്നത് ഒട്ടും ശരിയായില്ല എന്നായിരുന്നു പ്രേക്ഷകർ പറഞ്ഞത്.
Read more
