2015- ലെ ചലച്ചിത്ര പുരസ്കാരങ്ങൾ വിതരണം ചെയ്ത് തമിഴ്നാട് സർക്കാർ. 2008-ൽ നിന്നുപോയ പുരസ്കാര വിതരണം 2017 ലാണ് പിന്നീട് പുനരാരംഭിക്കുന്നത്. 2009-2014 കാലയളവിൽ പുറത്തിറങ്ങിയ സിനിമകൾക്കായിരുന്നു അന്ന് പുരസ്കാരങ്ങൾ വിതരണം ചെയ്തത്.
’36 വയതിനിലെ’ എന്ന ചിത്രത്തിലെ പ്രകടനത്തിന് ജ്യോതിക മികച്ച നടിയായി തിരഞ്ഞെടുക്കപ്പെട്ടപ്പോൾ ഇരുധി സുട്രു എന്ന ചിത്രത്തിലെ പ്രകടനത്തിന് മാധവൻ മികച്ച നടനായി തിരഞ്ഞെടുക്കപ്പെട്ടു. തനി ഒരുവനിലെ പ്രകടനത്തിന് അരവിന്ദ് സ്വാമിയാണ് മികച്ച വില്ലനായി തിരഞ്ഞെടുക്കപ്പെട്ടത്. ബുധനാഴ്ച ടി എൻ രാജരത്നം കലൈ അരങ്ങിൽ അവാർഡുകൾ വിതരണം ചെയ്യും. ഇൻഫർമേഷൻ ആൻഡ് പബ്ലിസിറ്റി മന്ത്രി എം പി സാമിനാഥൻ അവാർഡുകൾ വിതരണം ചെയ്യും.
അതേസമയം പുരസ്കാരത്തിനെതിരെ നിരവധി ട്രോളുകളാണ് സോഷ്യൽ മീഡിയയിൽ ഉയർന്നുവരുന്നത്. എന്തിനാണ് ഇത്രയും നേരത്തെ അവാർഡുകൾ വിതരണം ചെയ്യുന്നത്, ഇതെന്താ ടൈം ട്രാവൽ ആണോ എന്നിങ്ങനെ പോവുന്നു കമന്റുകൾ.
മികച്ച ചിത്രം: തനി ഒരുവൻ
മികച്ച രണ്ടാമത്തെ ചിത്രം: പസങ്ക 2
മികച്ച മൂന്നാമത്തെ ചിത്രം : പ്രഭ
പ്രത്യേക പുരസ്‌കാരം – ഇരുധി സുട്രു
സ്ത്രീ ശാക്തീകരണത്തെക്കുറിച്ചുള്ള മികച്ച ചിത്രം: പ്രത്യേക സമ്മാനം – 36 വയതിനിലെ
മികച്ച നടൻ – ആർ മാധവൻ (ഇരുധി സുട്രു)
മികച്ച നടി – ജ്യോതിക (36 വയതിനിലെ)
മികച്ച നടൻ: പ്രത്യേക പുരസ്‌കാരം – ഗൗതം കാർത്തിക് (വൈ രാജ വായ്)
മികച്ച നടി: പ്രത്യേക പുരസ്‌കാരം – റിതിക സിങ് (ഇരുധി സുട്രു)
മികച്ച വില്ലൻ – അരവിന്ദ് സ്വാമി (തനി ഒരുവൻ)
മികച്ച ഹാസ്യ നടൻ – സിംഗപ്പുലി (അഞ്ചുക്ക് ഒന്ന്)
മികച്ച ഹാസ്യ നടി – ദേവദർശിനി (തിരുട്ടു കല്യാണം, 36 വയതിനിലെ)
മികച്ച സഹനടൻ – തലൈവാസൽ വിജയ് (അപൂർവ മഹാൻ)
മികച്ച സഹനടി – ഗൗതമി (പാപനാശം)
മികച്ച സംവിധായിക – സുധ കൊങ്ങര (ഇരുധി സുട്രു)
മികച്ച കഥാകൃത്ത് – മോഹൻ രാജ (തനി ഒരുവൻ)
മികച്ച സംഭാഷണ രചയിതാവ് – ആർ ശരവണൻ (കത്തുക്കുട്ടി)
മികച്ച സംഗീത സംവിധായകൻ – ജിബ്രാൻ (ഉത്തമ വില്ലൻ, പാപനാശം)
മികച്ച ഗാനരചയിതാവ് – വിവേക് (36 വയതിനിലെ)
മികച്ച പിന്നണി ഗായകൻ – ഗാന ബാല (വൈ രാജാ വായ്)
മികച്ച പിന്നണി ഗായിക – കൽപ്പന രാഘവേന്ദർ (36 വയതിനിലെ)
മികച്ച ഛായാഗ്രാഹകൻ – റാംജി (തനി ഒരുവൻ)
മികച്ച സൗണ്ട് ഡിസൈനർ – എഎൽ തുക്കാറാം, ജെ മഹേശ്വരൻ (തക്ക തക്ക)
മികച്ച എഡിറ്റർ – ഗോപി കൃഷ്ണ (തനി ഒരുവൻ)
മികച്ച കലാസംവിധായകൻ – പ്രഭാഹരൻ (പസംഗ 2)
