വിവാദങ്ങള്ക്ക് പിന്നാലെ സുരേഷ് ഗോപിയുടെ 250-ാം ചിത്രത്തിന്റെ ടൈറ്റില് പുറത്ത്. “ഒറ്റക്കൊമ്പന്” എന്നാണ് ചിത്രത്തിന്റെ പേര്. മോഹന്ലാലും മമ്മൂട്ടിയും അടക്കം നൂറ് സെലിബ്രിറ്റികള് ചേര്ന്നാണ് ടൈറ്റില് റിലീസ് ചെയ്തത്. “അറ്റാക്ക് ടു ഡിഫന്ഡ്” എന്നാണ് ചിത്രത്തിന്റെ ടാഗ് ലൈന്.
ഷാജി കൈലാസ്- പൃഥ്വിരാജ് ചിത്രം “കടുവ”യുമായുള്ള നിയമയുദ്ധത്തില് “കടുവാക്കുന്നേല് കുറുവച്ചന്” എന്ന കഥാപാത്രം ചെയ്യുന്നതില് നിന്നും കോടതി വിലക്കിയെങ്കിലും കുറുവച്ചന് എന്ന കഥാപാത്രമായി തന്നെയാണ് സുരേഷ് ഗോപി ഒറ്റക്കൊമ്പനില് വേഷമിടുന്നത്. സുരേഷ് ഗോപിയുടെ മറ്റൊരു മാസ് കഥാപാത്രമാകും ഇത്.
മാത്യു തോമസ് സംവിധാനം ചെയ്യുന്ന ഒറ്റക്കൊമ്പന് മുളകുപാടം ഫിലിംസിന്റെ ബാനറില് ടോമിച്ചന് മുളകുപാടം ആണ് നിര്മ്മിക്കുന്നത്. ഷിബിന് ഫ്രാന്സിസ് തിരക്കഥ എഴുതുന്ന ചിത്രത്തിന് ഹര്ഷവര്ദ്ധന് രാമേശ്വര് ആണ് സംഗീതം ഒരുക്കുന്നത്. അര്ജുന് റെഡ്ഡി അടക്കമുള്ള ചിത്രങ്ങള്ക്ക് സംഗീതം ഒരുക്കിയ സംഗീത സംവിധായകനാണ് ഹര്ഷവര്ധന്.
പുലി മുരുകന് ചിത്രത്തിന് ക്യാമറ ചലിപ്പിച്ച ഷാജി കുമാര് ആണ് ഛായാഗ്രഹണം. സംവിധായകനും തിരക്കഥാകൃത്തുമായ ജിനു ഏബ്രഹാമാണ് കടുവയുടെ രചന നിര്വഹിക്കുന്നത്. ഇരു ചിത്രങ്ങളുടെയും സമാനതകളുടെ പേരില് സുരേഷ് ഗോപി ചിത്രത്തിന്റെ ചിത്രീകരണം തടയണമെന്ന ആവശ്യവുമായി ജിനു എറണാകുളം ജില്ലാ കോടതിയില് ഹര്ജി നല്കിയിരുന്നു.
Read more
ഇതോടെ ഓഗസ്റ്റില് സുരേഷ് ഗോപി നായകനാവാനിരുന്ന 250-ാമത് ചിത്രത്തിന് മേലുള്ള വിലക്ക് കോടതി സ്ഥിരപ്പെടുത്തി. നീണ്ട നാളത്തെ ഇടവേളയ്ക്കു ശേഷം ഷാജി കൈലാസ് സംവിധാനം ചെയ്യുന്ന സിനിമയുടെ കഥാപാത്രവും തിരക്കഥയും പകര്പ്പവകാശം ലംഘിച്ച് പകര്ത്തി എന്നായിരുന്നു പരാതി.