ശ്രീനാഥ് ഭാസിയും ബാലു വര്‍ഗീസും ഒന്നിക്കുന്ന പുതിയ ചിത്രം “സുമേഷ് ആന്റ് രമേഷ്” ഫസ്റ്റ്‌ലുക്ക് പോസ്റ്റര്‍ പുറത്ത്. തിരക്കഥാകൃത്ത് സനൂപ് തൈക്കുടം സംവിധാനം ചെയ്യുന്ന ചിത്രം വൈറ്റ്‌സാന്‍ഡ് മീഡിയ ഹൗസ് പ്രൊഡക്ഷന്റെ ബാനറില്‍ ഫരീദ് ഖാനും കെഎല്‍7 എന്റര്‍ടെയ്ന്‍മെന്റ്‌സും ചേര്‍ന്നാണ് നിര്‍മ്മിക്കുന്നത്.
ഗ്രൗണ്ടില്‍ ക്രിക്കറ്റ് കളിക്കുന്ന യുവാക്കളായാണ് ഫസ്റ്റ്‌ലുക്കില്‍ ശ്രീനാഥ് ഭാസിയും ബാലു വര്‍ഗീസും പ്രത്യക്ഷപ്പെടുന്നത്. നാട്ടിന്‍പുറത്തുള്ള രണ്ട് യുവാക്കളുടെ കഥയാണ് ചിത്രം പറയുക എന്നത് പോസ്റ്ററില്‍ നിന്നും വ്യക്തമാണ്.
സനൂപ് തൈക്കുടവും ജോസഫ് വിജേഷും ചേര്‍ന്നാണ് ചിത്രത്തിന് തിരക്കഥ ഒരുക്കുന്നത്. ഷാലീല്‍ അസീസ്, ഷിബു എന്നിവര്‍ സഹനിര്‍മ്മാതാക്കളാണ്. യാക്‌സാന്‍ ഗാരി പെരേര, നേഹ നായര്‍ എന്നിവര്‍ ചേര്‍ന്നാണ് സംഗീതമൊരുക്കുന്നത്.
Read more
https://www.instagram.com/p/B8MAIcJHC31/
