ഒടിയൻ സിനിമയുടെ സംവിധായകനായ ശ്രീകുമാർ മേനോനും മിന്നൽ മുരളി, ആർഡിഎക്സ് എന്നീ ബ്ലോക്ക് ബസ്റ്റർ സിനിമകളുടെ സഹനിർമ്മാതാവായ അഞ്ജന ഫിലിപ്പും ചേർന്ന് പുതിയ പ്രൊഡക്ഷൻ ഹൌസ് ആരംഭിക്കുന്നു. നിർമ്മാണ കമ്പനിയുടെ ലോഗോ മോഹൻലാലാണ് പ്രകാശനം ചെയ്തത്.

അഞ്ജന ഫിലിപ്പിന്റെ നേതൃത്വത്തിലുളള അഞ്ജന ടാക്കീസും ശ്രീകുമാർ മേനോന്റെ വാർസ്  സ്റ്റുഡിയോസും ഇതോടുകൂടി ഔദ്യോഗികമായി പ്രവർത്തനം ആരംഭിച്ചു. ജനുവരിയിൽ ആദ്യ സിനിമയുടെ ചിത്രീകരണം ആരംഭിക്കും.

സാഹിത്യത്തിൽ നിന്നുള്ള അഡാപ്റ്റേഷനുകളും നടന്ന സംഭവങ്ങളും ആസ്പദമാക്കിയാണ് ആദ്യ ഘട്ടത്തിൽ സിനിമകൾ ചെയ്യുന്നതെന്ന് അഞ്ജന ഫിലിപ് മാധ്യമങ്ങളോട് പറഞ്ഞു. എസ്. ഹരീഷ്, സി.പി സുരേന്ദ്രൻ, ലാസർ ഷൈൻ, വിനോയി തോമസ്, വി. ഷിനിലാൽ, അബിൻ ജോസഫ് തുടങ്ങീ ചെറുകഥാകൃത്തുക്കളുടെ രചനയിലാണ് ആദ്യ സിനിമകൾ പ്ലാൻ ചെയ്യുന്നതെന്നും അഞ്ജന ഫിലിപ് വ്യക്തമാക്കി.

ഭാഷയുടെ അതിരുകൾ ഒരിക്കലും സിനിമയ്ക്ക് ബാധകമല്ലെന്നും, നല്ല സിനിമകൾ ലോകമാകെ വിപണി ലഭിക്കുന്ന കാലത്തിലൂടെയാണ് നമ്മൾ കടന്നുപോവുന്നതെന്നും വി. എ ശ്രീകുമാർ മേനോൻ പറഞ്ഞു. ലോകം മുഴുവനും നമ്മുടെ സിനിമകൾക്കും എത്താൻ ആവും സിനിമയുടെ ജയം നിർണ്ണയിക്കുന്നത് അതിന്റെ ഉള്ളടക്കമാണെന്നും ശ്രീകുമാർ മേനോൻ കൂട്ടിച്ചേർത്തു.

Read more

മത്സരത്തിലൂടെ തോൽപ്പിക്കാമായിരുന്നു, ഇത് താങ്ങാൻ കഴിയുന്നതിലും അപ്പുറം; 'അമ്മ' പ്രവർത്തനങ്ങളിൽ നിന്ന് എന്നേക്കുമായി പിന്മാറുന്നു: ബാബുരാജ്

'ആ ചേട്ടന് പൈസ കൊടുത്തില്ലെങ്കിൽ എനിക്ക് ഉറക്കം വരില്ല'; നറുക്കടിച്ചെന്ന് കരുതി വേദിയിൽ, നിരാശനായ വയോധികനെ കണ്ട് കരച്ചിലടക്കാനാവാതെ അനുശ്രീ

'കുറച്ച് സമയം അവർ പ്രശസ്തി ആസ്വദിക്കട്ടെ', പരാതി നൽകിയിട്ടുണ്ട്; കാസ്റ്റിംഗ് കൗച്ച് ആരോപണങ്ങളിൽ മൗനം വെടിഞ്ഞ് വിജയ് സേതുപതി

വെറുതേയിരുന്നപ്പോൾ എന്നെത്തേടി വന്ന സിനിമയായിരുന്നു മഹേഷിന്റെ പ്രതികാരം, അതിന് മുമ്പുവരെ അവസരം കിട്ടാൻ വേണ്ടി നടക്കുകയായിരുന്നു : രാജേഷ് മാധവൻ

സിനിമയുടെ ചിത്രീകരണത്തിനിടെ മരണപ്പെട്ട സ്റ്റണ്ട് മാസ്റ്റർ രാജുവിന്റെ മക്കളുടെ പഠനച്ചെലവ് ഏറ്റെടുത്ത് സൂര്യ, കുടുംബത്തിന് ധനസഹായവുമായി ചിമ്പുവും

എസ് ഹരീഷിന്റെ ചെറുകഥയെ ആസ്പദമാക്കിയാണ് ആദ്യ സിനിമ വരുന്നത്. പ്രശസ്ത പരസ്യ സംവിധായകൻ പ്രേം ശങ്കർ ആണ് സംവിധായകൻ. ബ്രിട്ടാനിയ, ഐടിസി, ടിവിസ, ലിവൈസ്, റാംഗ്ലർ തുടങ്ങീ അനേകം പരസ്യ ചിത്രങ്ങളുടെ സംവിധായകൻ കൂടിയാണ് പ്രേം ശങ്കർ.