എം.ടി വാസുദേവന്‍ നായരുടെ രണ്ടാമൂഴം എന്ന നോവല്‍ സിനിമയാക്കാന്‍ തീരുമാനിച്ചപ്പോള്‍ ആയിരം കോടി രൂപ മുടക്കി സിനിമ പൂര്‍ത്തിയാക്കാമെന്ന് സമ്മതിച്ച് ബി ആര്‍ ഷെട്ടി നിര്‍മ്മാതാവായി രംഗത്തു വരികയും തുടര്‍ന്ന് അദ്ദേഹം പിന്‍മാറുകയും ചെയ്തത് വലിയ വാര്‍ത്തയായിരുന്നു. തുടര്‍ന്നാണ് അതേ മുതല്‍മുടക്കില്‍ സിനിമ നിര്‍മ്മിക്കാമെന്ന് ധാരണയുണ്ടാക്കി ഡോ എസ് കെ നാരായണന്‍ എന്ന വ്യവസായിയും പിന്നീട് എത്തിയത്.
എന്നാല്‍ എസ് കെ നാരായണനും നിര്‍മ്മാണത്തില്‍ നിന്ന് പിന്മാറിയെന്നും ശ്രീകുമാര്‍ മേനോനാണ് കുഴപ്പങ്ങള്‍ക്ക് പിന്നിലെന്നും ആരോപിച്ച് കഴിഞ്ഞ ദിവസം ജോമോന്‍ പുത്തന്‍ പുരയ്ക്കല്‍ ഫെയ്‌സ്ബുക്കില്‍ പോസ്റ്റ് ചെയ്ത കുറിപ്പ് വൈറലായിരുന്നു.
Read more
ഇപ്പോഴിതാ ആശീര്‍വാദ് സിനിമാസിന്റെ മൂന്നു ചിത്രങ്ങളുടെ വിജയം ആഘോഷിക്കുന്ന ആശീര്‍വാദത്തോടെ ലാലേട്ടന്‍ എന്ന പരിപാടിയില്‍ രണ്ടാമൂഴം മോഹന്‍ലാല്‍ നായകനായി തന്നെ സംഭവിക്കുമെന്ന് സംവിധായകന്‍ ശ്രീകുമാര്‍ മേനോന്‍ വ്യക്തമാക്കിയിരിക്കുകയാണ്. ദൈവവും മോഹന്‍ലാലും കൂടെയുള്ളതുകൊണ്ട് ആ ചിത്രം ഉറപ്പായും സംഭവിക്കുമെന്നാണ് സംവിധായകന്‍ പരഞ്ഞിരിക്കുന്നത്.
