ആടുതോമയെ മലയാളിയ്ക്ക് സമ്മാനിച്ച ഭദ്രന്റെ പുതിയ ചിത്രം “ജൂതന്” ഏതാനും ദിവസങ്ങല്ക്ക് മുന്നേയാണ് പ്രഖ്യാപിച്ചത്. ചിത്രത്തില് സൗബിന് ഷാഹിറാണ് നായകനായെത്തുന്നത്. സുഡാനി ഫ്രം നൈജീരിയ, കുമ്പളങ്ങി നൈറ്റ്സ് തുടങ്ങിയ വിജയ ചിത്രങ്ങള്ക്ക് ശേഷം സൗബിനെത്തുമ്പോള് പുതിയ കഥാപാത്രത്തെ ഏറെ പ്രതീക്ഷയോടെയാണ് പ്രേക്ഷകര് നോക്കി കാണുന്നത്. ചിത്രത്തില് ജൂതന്റെ വേഷത്തിലാണ് സൗബിന് എത്തുന്നത്. “ഇയോ ഇലാഹു കോഹന്” എന്ന കഥാപാത്രത്തെയാണ് ചിത്രത്തില് സൗബിന് അവതരിപ്പിക്കുന്നതെന്നാണ് വിവരം.
ജോജു ജോര്ജും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നു. റിമ കല്ലിങ്കലാണ് നായിക. ചിത്രത്തിന്റെ മോഷന് പോസ്റ്റര് നടന് മോഹന്ലാല് തന്റെ ഫെയ്സ്ബുക്ക് പേജിലൂടെ പങ്കുവെച്ചിരുന്നു. ശിക്കാര്, നടന്, കനല് തുടങ്ങിയ സിനിമകളൊരുക്കിയ എസ് സുരേഷ് ബാബുവാണ് ചിത്രത്തിന് തിരക്കഥയൊരുക്കുന്നത്. റൂബി ഫിലിംസിന്റെ ബാനറില് തോമസ് ജോസഫ് പട്ടത്താനം, ജയന്ത് മാമെന് എന്നിവര് ചേര്ന്നാണ് നിര്മാണം. ലോകനാഥന് എസ്. ഛായാഗ്രഹണം. സുഷിന് ശ്യാം സംഗീതം, ബംഗ്ലാന് കലാസംവിധാനം, സമീറ സനീഷ് വസ്ത്രാലങ്കാരം.
മോഹന്ലാലിന്റെ കരിയറിലെ എക്കാലത്തെയും മികച്ച ചിത്രങ്ങളിലൊന്നായ സ്ഫടികമുള്പ്പെടെ സിനിമാലോകവും പ്രേക്ഷകരും ഒരുപോലെ സ്വീകരിച്ച നിരവധി ചിത്രങ്ങളൊരുക്കിയ ഭദ്രന്റെ പുതിയ ചിത്രത്തെയും ഏറെ പ്രതീക്ഷയോടെയാണ് മലയാള സിനിമ ലോകം നോക്കി കാണുന്നത്.
Read more
https://www.facebook.com/ActorMohanlal/videos/1241883035974328/?__xts__[0]=68.ARDtGLa9TVhGcHMYOmMz2Iyi8wAXTIlhkoMZsihh1aiPcYpGH9YIzsEOxxEaF6P7spqS5_lNcGLaZr6_WqoqWa8hH5Ke0L69jxpe_qwhaDqoNVvJWraz9qun3HCDOpIx-NplmW_gN_DNPQPlA_t8p5KWhN17ErYHcOMyNOgNdZVEONAmbPR3R-QY2nmPM0AqENoGn1dTIKqJW38VhBa1BuqYBWi2I0Umnw-Xg2Pfz3Pj0aXpBnWm0FVyHo3-jEgkD9gUB58lh82yarDaZTVgqCDQBqx-5rm_gAdFQ2Uc8alqzV8nZpzTDEet-X1kuZjyCRRlbbvsPIYGtTAhphW65MTGRspEACgOfgIijw&__tn__=-R