തെന്നിന്ത്യൻ സൂപ്പർ താരം വിക്രമിനെ നായകനാക്കി ആർ. എസ് വിമൽ സംവിധാനം ചെയ്യുന്ന ‘സൂര്യപുത്ര മഹാവീർ കർണ’ സിനിമയുടെ ടീസർ പങ്കുവെച്ച് അണിയറപ്രവർത്തകർ. കർണന്റെ വീക്ഷണത്തിലൂടെയുള്ള മഹാഭാരത കഥയായിരിക്കും ചിത്രത്തിന്റെ പ്രമേയം. ഒരു യുദ്ധരംഗമാണ് ടീസറിൽ ഉൾപ്പെടുത്തിയിരിക്കുന്നത്.
കഴിഞ്ഞ ദിവസം ചിത്രത്തിന്റെ അപ്ഡേഷൻ വന്നിരുന്നു വിക്രമിന്റെ ചിത്രത്തോടൊപ്പം ‘സൂര്യപുത്രൻ കർണൻ റോളിങ് സൂൺ’ എന്ന അടിക്കുറിപ്പോടെയായിരുന്നു വിമലിന്റെ പോസ്റ്റ്. ഇപ്പോഴിതാ ടീസർ കൂടി വന്നതോട് കൂടി ആവേശത്തിലാണ് സിനിമാ പ്രേക്ഷകരും വിക്രം ആരാധകരും.
പൃഥ്വിരാജിനെ നായകനാക്കി 2018 ലാണ് ചിത്രം ആദ്യമായി പ്രഖ്യാപിച്ചത്. പിന്നീടാണ് വിക്രം ആയിരിക്കും നായകനെന്ന് അറിയിക്കുന്നത്. ചിത്രം ഹിന്ദി, മലയാളം, തമിഴ് ഭാഷകളിലാണ് പുറത്തിറങ്ങുന്നത്.
Read more
കോവിഡിന് ശേഷം വിക്രം നേരത്തെ കമ്മിറ്റ് ചെയ്തിട്ടുള്ള ചിത്രങ്ങളുടെ ഷൂട്ട് ഉള്ളതുകൊണ്ടാണ് ‘കർണൻ’ വൈകുന്നതെന്ന് റിപ്പോർട്ടുകൾ ഉണ്ടായിരുന്നു. ‘എന്ന് നിന്റെ മൊയ്തീൻ’ എന്ന ചിത്രത്തിന് ശേഷം ആർ. എസ് വിമൽ സംവിധാനം ചെയ്യുന്ന കർണൻ 300 കോടി ബഡ്ജറ്റിലാണ് ഒരുങ്ങുന്നത്. പാ രഞ്ജിത് സംവിധാനം ചെയ്ത ‘താങ്കലാൻ’ ആണ് വിക്രമത്തിന്റെ പുറത്തിറങ്ങാൻ പോവുന്ന ഏറ്റവും പുതിയ ചിത്രം.
