‘പ്രജാപതി’, ‘സൂഫിയും സുജാതയും’ എന്നീ രണ്ട് ചിത്രങ്ങള്‍ കൊണ്ട് തന്നെ മലയാളി പ്രേക്ഷകരുടെ മനസില്‍ ഇടം നേടിയ താരമാണ് അദിതി റാവു ഹൈദരി. ബോളിവുഡിലും തെന്നിന്ത്യയിലും ഒരുപോലെ തിളങ്ങി നില്‍ക്കുന്ന താരത്തിന്റെ ജന്മദിനമായിരുന്നു കഴിഞ്ഞ ദിവസം. ഇതിനിടെ അദിതിയുടെ പ്രണയത്തെ കുറിച്ചാണ് സോഷ്യല്‍ മീഡിയ ചര്‍ച്ചായിക്കിയിരിക്കുന്നത്.

നടന്‍ സിദ്ധാര്‍ത്ഥും അദിതിയും പ്രണത്തിലാണെന്ന ഗോസിപ്പുകള്‍ പ്രചരിക്കാന്‍ തുടങ്ങിയിട്ട് കാലമേറെയായി. അദിതിയുടെ ജന്മദിനത്തില്‍ താരത്തെ ചേര്‍ത്തു നിര്‍ത്തിക്കൊണ്ടുള്ള സിദ്ധാര്‍ത്ഥിന്റെ പോസ്റ്റ് ആണ് ഇപ്പോള്‍ ചര്‍ച്ചകളില്‍ നിറയുന്നത്. തന്റെ ഹൃദയത്തിന്റെ രാജകുമാരിക്ക് ജന്മദിനാശംസകള്‍ എന്നാണ് നടന്‍ കുറിച്ചിരിക്കുന്നത്.

”ഹൃദയത്തിന്റെ രാജകുമാരിയ്ക്ക് ജന്മദിനാശംസകള്‍. ചെറുതും വലുതും ഇതുവരെ കാണാത്തതുമായ എല്ലാ സ്വപ്നങ്ങളും യാഥാര്‍ഥ്യമാകാന്‍ ഞാന്‍ പ്രാര്‍ഥിക്കുന്നു. ഓരോ യാത്രയും മികച്ചതാകട്ടെ. ഇതുവരെ ആരും കാണാത്തതും എല്ലായിപ്പോഴും സത്യമാവും, നിനക്ക് വേണ്ടി എന്തിനും ഞാന്‍ കൂടെയുണ്ട്.”

”സൂര്യനെ ചുറ്റിപ്പറ്റിയുള്ള യാത്ര മികച്ചതാക്കൂ.. ഒരു ചട്ടക്കൂട്ടിനുള്ളില്‍ നിന്ന് കൊണ്ട് വളരാന്‍ ശ്രമിക്കരുത്” എന്നാണ് സിദ്ധാര്‍ത്ഥ് പങ്കുവെച്ച പോസ്റ്റില്‍ പറയുന്നത്. ഇരുവരും പ്രണയത്തിലാണ് എന്നുള്ളത് ഈ പോസ്റ്റിലൂടെ പറയാതെ പറയുകയാണ് ചെയ്തിരിക്കുന്നത് എന്നാണ് ആരാധകരുടെ കണ്ടെത്തലുകള്‍.

നേരത്തെ സിദ്ധാര്‍ത്ഥിന്റെ ജന്മദിനത്തില്‍ അദിതി പങ്കുവച്ച കുറിപ്പും ശ്രദ്ധ നേടിയിരുന്നു. ”മാന്ത്രിക കുതിരകളെയും സ്വപ്നങ്ങളെയും പിന്തുടരുന്നവന് പിറന്നാള്‍ ആശംസകള്‍” എന്നാണ് അദിതി കുറിച്ചത്. അന്ന് മുതല്‍ താരങ്ങളുടെ പ്രണയത്തിന്റെ ഗോസിപ്പുകള്‍ എത്തിയെങ്കിലും ഇരുവരും ഇതില്‍ പ്രതികരിച്ചിട്ടില്ല.