മലയാളത്തിന്റെ പ്രിയ താരം ദുല്‍ഖര്‍ സല്‍മാന്റെ ബോളിവുഡ് ചിത്രത്തില്‍ കിംഗ് ഖാന്‍ ഷാരൂഖ് ഖാനും. ദ സോയാ ഫാക്ടര്‍ എന്ന ചിത്രത്തില്‍ തങ്ങളോടൊപ്പം ഷാരൂഖ് ഖാനും എത്തുന്നുണ്ടെന്ന് വ്യക്തമാക്കിയിരിക്കുകയാണ് സോനം കപൂറും ദുല്‍ഖറും. കര്‍വാന് ശേഷം ബോളിവുഡില്‍ ദുല്‍ഖര്‍ അഭിനയിക്കുന്ന രണ്ടാമത്തെ സിനിമയാണ് ദ സോയാ ഫാക്ടര്‍. ചിത്രത്തില്‍ ഷാരൂഖ് ഖാന്‍ അതിഥി താരമാണെന്ന സൂചനയാണ് സോനവും ദുല്‍ഖറും നല്‍കുന്നത്.
അനൂജ ചൗഹാന്‍ എഴുതിയ ദ സോയാ ഫാക്ടര്‍ എന്ന നോവല്‍ ആധാരമാക്കിയാണ് സിനിമ. നോവലില്‍ ഷാരൂഖ് ഖാന്‍ കഥാപാത്രമായി എത്തുന്നുണ്ട്. സിനിമയിലും ഷാരൂഖ് ഉണ്ടോ എന്ന ചോദ്യത്തിന് സര്‍പ്രൈസ് ഉണ്ടാകുമെന്ന സൂചനയാണ് ദുല്‍ഖര്‍ ഒരു അഭിമുഖത്തില്‍ മറുപടിയായി നല്‍കിയത്. ഷാരൂഖിനെയും അതല്ലാതെ മറ്റൊരാളെയും സിനിമയില്‍ കാണാമെന്നായിരുന്നു സോനത്തിന്റെ മറുപടി.
Read more
ഇന്ത്യന്‍ ക്രിക്കറ്റ് ടീം ക്യാപ്റ്റന്റെ റോളിലാണ് ദുല്‍ഖര്‍ ചിത്രത്തിലെത്തുന്നത്. സോയ എന്ന ടെറ്റില്‍ റോളിലാണ് സോനം കപൂര്‍ എത്തുന്നത്. അഭിഷേക് ശര്‍മ സംവിധാനം ചെയ്യുന്ന ചിത്രം ഫോക്‌സ് സ്റ്റാര്‍ സ്റ്റുഡിയോസ്, പൂജ ഷെട്ടി, ആരതി ഷെട്ടി എന്നിവര്‍ ചേര്‍ന്നാണ് നിര്‍മ്മിക്കുന്നത്.
