കുറച്ച് മാസങ്ങളായി സിനിമയില്‍ നിന്നും മാറി നില്‍ക്കുകയാണ് നടി സാനിയ അയ്യപ്പന്‍. എന്നാല്‍ വിദേശയാത്രകള്‍ ആസ്വദിക്കുന്ന സാനിയയുടെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാകാറുണ്ട്. സാനിയയുടെ പുതിയൊരു വീഡിയോയാണ് ഇപ്പോള്‍ ശ്രദ്ധ നേടുന്നത്.
വിഷാദ മുഖത്തോടെ പൊതുവേദിയില്‍ ഇരിക്കുന്ന സാനിയയുടെ വീഡിയോ വൈറലാവുകയാണ്. സ്വന്തം നാട്ടില്‍ ചതയ ദിനാഘോഷത്തിന്റെ ഉദ്ഘാടനം നിര്‍വഹിക്കാനാണ് സാനിയ എത്തിയത്. എപ്പോഴും പ്രസരിപ്പോടെയുള്ള ഫോട്ടോഷൂട്ടുകളുമായി എത്തുന്ന നടിയുടെ പുതിയ മുഖം കണ്ട് ആശങ്കയില്‍ ആയിരിക്കുകയാണ് ആരാധകര്‍.
ഇത്രയും വിഷാദ ഭാവത്തോടെ ഇരിക്കുന്ന സാനിയയ്ക്ക് എന്തുപറ്റിയെന്നാണ് ആരാധകര്‍ ചോദിക്കുന്നത്. ഇങ്ങനെയുള്ള വേദികളില്‍ സംസാരിച്ച് അധികം ശീലം ഒന്നുമില്ല അതുകൊണ്ട് എന്താണ് പറയേണ്ടത് എന്ന് അറിയില്ല എന്നാണ് സാനിയ ഉദ്ഘാടന പ്രസംഗത്തിനിടെ പറഞ്ഞത്.
Read more
”ഈ അമ്പലത്തിന്റെ വേദിയില്‍ നൃത്തം ചെയ്യാനും ഇവിടുത്തെ ആഘോഷങ്ങളില്‍ പങ്കുചേരാനും എപ്പോഴും ഇവിടെ വന്നുകൊണ്ടിരുന്ന ആളാണ് ഞാന്‍. സദസ്സിലിരിക്കുന്ന പലരെയും കണ്ടു പരിചയമുണ്ട് അതുകൊണ്ട് ഇത്തരമൊരു വേദിയില്‍ നിങ്ങളോടൊപ്പം ചെലവഴിക്കാന്‍ കഴിഞ്ഞതില്‍ വലിയ സന്തോഷമുണ്ട്. എല്ലാവര്‍ക്കും നന്ദി” എന്നാണ് ഉദ്ഘാടന പ്രസംഗത്തില്‍ സാനിയ പറഞ്ഞത്.
