തീയേറ്ററുകളില്‍ വിജയക്കുതിപ്പ് തുടരുകയാണ് പ്രഭാസിന്റെ “സാഹോ”. ആഗോശതലത്തില്‍ റിലീസ് ചെയ്ത ചിത്രം അഞ്ചാം നാളില്‍ 350 കോടി കളക്ഷനുമായി മുന്നേറുകയാണ്. ആദ്യ ദിനത്തില്‍ തന്നെ 130 കോടി സ്വന്തമാക്കിയ സാഹോ പ്രേക്ഷകര്‍ ഇരുകൈയും നീട്ടി സ്വീകരിച്ചിരിക്കുകയാണ്.
ഗംഭീര തുടക്കം കരസ്ഥമാക്കിയ സാഹോ “അവഞ്ചേര്‍സി”ന്റെയും “തഗ്സ് ഓഫ് ഹിന്ദുസ്ഥാനി”ന്റെയും ആദ്യ ദിന കളക്ഷന്‍ റെക്കോഡുകളാണ് തകര്‍ത്തിരിക്കുന്നത്. ഹിന്ദി, തമിഴ്, തെലുങ്കു, മലയാളം എന്നീ ഭാഷകളിലായി 4500 സ്‌ക്രീനുകളിലാണ് ചിത്രം എത്തിയത്. ഇതില്‍ ഹിന്ദി വേര്‍ഷന്‍ മാത്രം 100 കോടി പിന്നിട്ടു. 249 കോടിയാണ് മൂന്നു ദിവസം കൊണ്ട് ആഗോളതലത്തില്‍ സാഹോ കരസ്ഥമാക്കിയത്.
Read more
സുജീത്ത് സംവിധാനം ചെയ്ത ചിത്രം യുവി ക്രിയേഷന്‍സാണ് നിര്‍മ്മിച്ചിരിക്കുന്നത്. ചിത്രത്തിന്റെ ഛായാഗ്രഹണം ആര്‍ മഥിയാണ്. ബോളിവുഡ് താരം ശ്രദ്ധ കപൂറാണ് നായിക. ജാക്കി ഷ്രോഫ്, നീല്‍ നിതിന്‍ മുകേഷ്, മന്ദിര ബേദി, ചങ്കി പാണ്ഡേ, മഹേഷ് മഞ്ജറേക്കര്‍, അരുണ്‍ വിജയ്, മുരളി ശര്‍മ എന്നിവര്‍ പ്രധാന വേഷത്തിലെത്തുന്നു. പ്രശസ്ത ഹോളിവുഡ് ആക്ഷന്‍ കോ-ഓര്‍ഡിനേറ്റര്‍ കെന്നി ബേറ്റ്‌സാണ് ചിത്രത്തിന്റെ ആക്ഷന്‍ കൊറിയോഗ്രാഫര്‍
