മലയാള സംവിധായകൻ റോഷൻ ആൻഡ്രൂസ് സംവിധാനം ചെയ്ത് ബോളിവുഡ് താരം ഷാഹിദ് കപൂർ നായകനാവുന്ന ബോളിവുഡ് ചിത്രം അടുത്ത മാസം ചിത്രീകരണം ആരംഭിക്കും. ഡിക്റ്ററ്റീവ് ത്രില്ലർ ജോണറിലാണ് ചിത്രം ഒരുങ്ങുന്നത് എന്നാണ് പുറത്ത് വരുന്ന റിപ്പോർട്ടുകൾ.
ഒരു പൊലീസുകാരനായാണ് ഷാഹിദ് ചിത്രത്തിലെത്തുന്നത്. പൂജ ഹെഗ്ഡെയാണ് ചിത്രത്തിൽ നായിക. ബോബി- സഞ്ജയ്- ഹുസൈൻ ദലാൽ എന്നിവർ ചേർന്നാണ് ചിത്രത്തിന് തിരക്കഥയെഴുതുന്നത്.
അതേ സമയം ഈ ചിത്രം റോഷൻ ആൻഡ്രൂസിന്റെ തന്നെ മുംബൈ പൊലീസിന്റെ റീമേക്ക് ആണെന്നാണ് സ്ഥിതീകരിക്കാത്ത റിപ്പോർട്ടുകൾ. ചിത്രം അടുത്ത വർഷം പകുതിയോട് കൂടി തിയേറ്ററുകളിലെത്തും.
ചിത്രത്തിലെ മറ്റ് അഭിനേതാക്കൾ ആരൊക്കെയാണെന്ന് ഇതുവരെ പുറത്തുവിട്ടിട്ടില്ല. കഴിഞ്ഞ വർഷം ഷാഹിദ് ഈ സിനിമയ്ക്കായി ഡേറ്റ് നൽകിയിരുന്നെന്നും പക്ഷേ തിരക്കഥ പൂർത്തിയാക്കേണ്ടത് കാരണമാണ് നീണ്ടുപോയതെന്നും. ഇപ്പോൾ സിനിമയുടെ പോസ്റ്റ് പ്രൊഡക്ഷൻ വർക്കുകൾ നടന്നുകൊണ്ടിരിക്കുകയാണെന്നും പിങ്ക് വില്ലയെ ഉദ്ധരിച്ച് ഇന്ത്യ ടുഡേ റിപ്പോർട്ട് ചെയ്തു.
Read more
ദിനേശ് വിജയന്റെ പേരിടാത്ത റൊമാന്റിക്-കോമഡി സിനിമയുടെ ചിത്രീകരണം പൂർത്തിയാക്കി തിയേറ്റർ റിലീസിനായി കാത്തിരിക്കുകയാണ് ഷാഹിദ് കപൂർ.
