ഒരു കാലത്ത് തെലുങ്കിലെ ഹിറ്റ് മേക്കര്‍ ആയിരുന്നു സംവിധായകന്‍ രാം ഗോപാല്‍ വര്‍മ്മ. എന്നാല്‍ ത്രില്ലര്‍ സിനിമകള്‍ ചെയ്തിരുന്ന സംവിധായകന്‍ ഇപ്പോള്‍ ഇറോട്ടിക് സിനിമകളിലേയ്ക്ക് വഴി മാറിയിരിക്കുകയാണ്. ഇതിനിടെ നടി അഷു റെഡ്ഡിയെ അഭിമുഖം ചെയ്യുന്ന സംവിധായകന്റെ വീഡിയോ പുറത്തു വന്നിരുന്നു.
നടിയെ പുകഴ്ത്തിയ ശേഷം കാലില്‍ ചുംബിച്ച് കാല്‍വിരല്‍ കടിക്കുന്ന ആര്‍ജിവിയുടെ വീഡിയോ വിവാദമായിരുന്നു. വിവാദങ്ങള്‍ക്കിടയിലും തന്റെ പുതിയ സിനിമയുടെ റിലീസുമായി എത്തിയിരിക്കുകയാണ് ആര്‍ജിവി. ലെസ്ബിയന്‍ പ്രണയകഥ പറയുന്ന ആക്ഷന്‍ ക്രൈം ചിത്രമാണ് റിലീസിന് ഒരുങ്ങുന്നത്.
‘ഡെയ്ഞ്ചറസ്’ എന്നാണ് ചിത്രത്തിന്റെ പേര്. അപ്സര റാണിയും നൈന ഗാംഗുലിയുമാണ് ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്. ആര്‍ജിവിയുടെ കമ്പനി പ്രൊഡക്ഷന്‍സിന്റെ ബാനറിലാണ് ചിത്രം നിര്‍മ്മിച്ചിരിക്കുന്നത്. റിലീസുമായി ബന്ധപ്പെട്ട പല വിവാദങ്ങള്‍ക്കും ശേഷമാണ് ചിത്രം എത്തുന്നത്.
Read more
ഡിസംബര്‍ 9ന് മൂന്ന് ഭാഷകളിലായി ചിത്രം റിലീസ് ചെയ്യും. ‘അവരുടെ ബന്ധം പൊലീസുകാരും ഗ്യാങ്സ്റ്ററുകളുമടക്കം നിരവധി പേരെ കൊന്നു’ എന്ന ടാഗ് ലൈനോടെയാണ് ചിത്രമെത്തുന്നത്. സാന്‍ഹ ആര്‍ട്ട്സ് റിലീസ് ആണ് ചിത്രം കേരളത്തിലും തമിഴ്നാട്ടിലും വിതരണത്തിന് എത്തിക്കുന്നത്.
