സംസ്ഥാന ചലച്ചിത്ര അക്കാദമി ചെയര്മാനായി ഓസ്കര് ജേതാവ് റസൂല് പൂക്കുട്ടിയെ നിയമിച്ചു. കുക്കു പരമേശ്വരന് ആണ് വൈസ് ചെയര്പേഴ്സണ്. 26 അംഗങ്ങളാണ് ബോര്ഡിലുള്ളത്. 2022 ജനുവരിയിലാണ് നിലവിലെ ഭരണസമിതി നിലവില് വന്നത്. സംസ്ഥാന ചലച്ചിത്ര പുരസ്കാരങ്ങള് പ്രഖ്യാപിക്കാന് രണ്ട് ദിവസം മാത്രം ബാക്കിനില്ക്കേയാണ് പുതിയ ഭരണസമിതിയെ സര്ക്കാര് നിയോഗിച്ചത്.
അമല് നീരദ്, സന്തോഷ് കീഴാറ്റൂര്, നിഖില വിമല്, ബി. രാകേഷ്, സുധീര് കരമന, റെജി എം. ദാമോദരന്, സിത്താര കൃഷ്ണകുമാര്, മിന്ഹാജ് മേഡര്, സോഹന് സീനുലാല്, ജി.എസ്. വിജയന്, ശ്യാം പുഷ്കരന്, സാജു നവോദയ, എന്. അരുണ്, പൂജപ്പുര രാധാകൃഷ്ണന്, യൂ, ശ്രീഗണേഷ് എന്നിവരടങ്ങുന്നതാണ് ജനറല് കൗണ്സില്.
Read more
2022 ജനുവരിയിലാണ് നിലവിലെ ഭരണസമിതി നിലവില് വന്നത്. ഷാജി എന്. കരുണിന്റെ മരണത്തെത്തുടര്ന്ന് ചലച്ചിത്ര വികസന കോര്പ്പറേഷന് ചെയര്മാനായി അടുത്തിടെ സംവിധായകന് കെ.മധുവിനെ നിയമിച്ചിരുന്നു. സംവിധായകന് രഞ്ജിത് സ്ഥാനമൊഴിഞ്ഞശേഷം ചലച്ചിത്ര അക്കാദമി വൈസ് ചെയര്മാനായിരുന്ന പ്രേംകുമാറാണ് ആക്ടിങ് ചെയര്മാനായി തുടര്ന്നിരുന്നത്. ലൈംഗികാതിക്രമ ആരോപണങ്ങളെ തുടര്ന്നാണ് രഞ്ജിത്ത് രാജി വച്ച് സ്ഥാനം ഒഴിഞ്ഞത്.
