ധ്യാന്‍ ശ്രീനിവാസ്, അജു വര്‍ഗീസ് എന്നിവര്‍ പ്രധാന വേഷങ്ങളിലെത്തുന്ന ചിത്രം സച്ചിന്‍ ജൂലൈ 19ന് തീയേറ്ററുകളിലെത്തുകയാണ്. സന്തോഷ് നായര്‍ സംവിധാനം ചെയ്യുന്ന , ക്രിക്കറ്റിന്റെ പശ്ചാത്തലത്തില്‍ ഒരുങ്ങുന്ന ചിത്രത്തില്‍ നായികയായെത്തുന്നത് അങ്കമാലി ഡയറീസ് ഫെയിം രേഷ്മ അന്ന രാജന്‍ ആണ്. ചിത്രത്തിന്റെ വിശേഷങ്ങള്‍ പങ്കു വയ്ക്കുകയാണ് നടി.
സച്ചിന്‍ വളരെ രസകരമായ ഒരു ചിത്രമാണ്. കോമഡിയാണ് ചിത്രത്തിന്റെ ഹൈലൈറ്റ് . അജു വര്‍ഗീസും രമേശ് പിഷാരടിയും രഞ്ജി പണിക്കാരുമൊക്കെ ചിത്രത്തിലുണ്ട് . ഹരീഷ് ചേട്ടനുമുണ്ട് . എല്ലാവരും തിയേറ്ററില്‍ പോയി ചിത്രം കാണണം – രേഷ്മ അന്ന രാജന്‍ പറയുന്നു .സച്ചിനുമായുള്ള ലിച്ചിയുടെ ബന്ധമെന്താണെന്നും നടി പറയുന്നുണ്ട് – സച്ചിനെ എനിക്ക് ഭയങ്കര ഇഷ്ടമാണ്. സച്ചിനെ എല്ലാവര്ക്കും ഇഷ്ടമാണല്ലോ ..ഈ സച്ചിനെ കുറിച്ചറിയണമെങ്കില്‍ നിങ്ങള്‍ കാത്തിരിക്കുക ..രേഷ്മ അന്ന പറയുന്നു.
ക്രിക്കറ്റിന്റെ പശ്ചാത്തലത്തില്‍ ഹാസ്യത്തിന് പ്രാധാന്യം നല്‍കുന്ന ഒരു ഫാമിലി എന്റര്‍ടെയ്ന്‍മെന്റായാണ് ചിത്രം ഒരുക്കുന്നത്. ചിത്രത്തില്‍ സച്ചിന്‍ എന്ന കഥാപാത്രമായാണ് ധ്യാന്‍ എത്തുന്നത്. സച്ചിനോടുള്ള ആരാധനയുടെ പുറത്ത് അച്ഛന്‍ മകന് സച്ചിന്‍ എന്നു പേരിടുന്നതും, ക്രിക്കറ്റ് ആരാധകനായ മകനും അയാളുടെ പ്രണയവുമെല്ലാമാണ് സിനിമയുടെ പശ്ചാത്തലം.
