അനൂപ് മേനോനൊപ്പം രഞ്ജിത്തും ; 'കിംഗ് ഫിഷ്' ഒടിടിയില്‍

അനൂപ് മേനോന്‍ രചനയും സംവിധാനവും നിര്‍വ്വഹിച്ച സിനിമ കിംഗ് ഫിഷ് ഒടിടിയില്‍. സണ്‍ നെക്സ്റ്റിലൂടെ ഇന്നലെയാണ് ചിത്രം സ്ട്രീമിംഗ് ആരംഭിച്ചത്. സെപ്റ്റംബര്‍ 16 ന് തിയറ്ററുകളില്‍ എത്തിയ ചിത്രമാണിത്. അനൂപ് മേനോന്‍ തന്നെ നായക കഥാപാത്രത്തെ അവതരിപ്പിക്കുന്ന ചിത്രത്തില്‍ രഞ്ജിത്ത് ബാലകൃഷ്ണനാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ടെക്‌സാസ് ഫിലിം ഫാക്ടറിയുടെ ബാനറില്‍ അംജിത്ത് എസ് കോയയാണ് ചിത്രം നിര്‍മ്മിച്ചിരിക്കുന്നത്.

നന്ദു, നിരഞ്ജന അനൂപ്, ദിവ്യ പിള്ള, ദുര്‍ഗ കൃഷ്ണ, ഇര്‍ഷാദ് അലി തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഛായാഗ്രഹണം മഹാദേവന്‍ തമ്പി. എഡിറ്റിംഗ് സിയാന്‍ ശ്രീകാന്ത്. സംഗീതം രതീഷ് വേഗ.

പശ്ചാത്തലസംഗീതം ഷാന്‍ റഹ്‌മാന്‍. അസോസിയേറ്റ് ഡയറക്ടര്‍ വരുണ്‍ ജി പണിക്കര്‍. പ്രോജക്റ്റ് ഡിസൈനര്‍ സിന്‍ജൊ ഒറ്റത്തൈക്കല്‍, സംഗീതം രതീഷ് വേഗ, പശ്ചാത്തല സംഗീതം ഷാന്‍ റഹ്‌മാന്‍, കലാസംവിധാനം ഡുണ്ഡു രഞ്ജീവ്, വസ്ത്രാലങ്കാരം ഹീര റാണി.

അനൂപ് മേനോന്റെ സംവിധാനത്തില്‍ തിയറ്ററുകളിലെത്തുന്ന രണ്ടാമത്തെ ചിത്രവും. 2020ല്‍ പൂര്‍ത്തിയായ ചിത്രമാണ് കിംഗ് ഫിഷ്. എന്നാല്‍ റിലീസ് നീണ്ടുപോകുകയായിരുന്നു. അനൂപ് മേനോന്റെ ഏറ്റവും പുതിയ തിയേറ്റര്‍ റിലീസ് ഈ വാരം എത്തിയ വരാല്‍ ആണ്. കണ്ണന്‍ സംവിധാനം ചെയ്തിരിക്കുന്ന പൊളിറ്റിക്കല്‍ ത്രില്ലര്‍ ചിത്രത്തിന്റെ രചനയും സംവിധാനവും ഒപ്പം കേന്ദ്ര കഥാപാത്രത്തെ അവതരിപ്പിച്ചിരിക്കുന്നതും അനൂപ് മേനോന്‍ ആണ്.