2022 ലെ ആദ്യ മലയാള സിനിമ റീലീസായി മാറാന് ‘രണ്ട്’. ഫൈനല്സ് എന്ന സിനിമക്ക് ശേഷം ഹെവന്ലി മൂവീസിന്റെ ബാനറില് പ്രജീവ് സത്യവ്രതന് നിര്മ്മിച്ചു സുജിത് ലാല് സംവിധാനം ചെയുന്ന രണ്ട് ജനുവരി 7 നു തീയേറ്ററുകളില് എത്തും. വിഷ്ണു ഉണ്ണികൃഷ്ണനും അന്ന രാജനുമാണ് പ്രധാന വേഷങ്ങളില് എത്തുന്നത്.
ഒരു പൊളിറ്റിക്കല് സറ്റയര് ആയ ചിത്രം സമകാലീന രാഷ്ട്രീയത്തിലൂന്നിയാണ് കഥ പറയുന്നത്. ഒരു വലിയ താരനിര ചിത്രത്തില് അണിനിരക്കുന്നുണ്ട്.എല്ലാ മനുഷ്യരെയും ഒരുപോലെ കാണാന് ശ്രമിക്കുന്ന വാവ എന്ന ചെറുപ്പക്കാരനായ നാട്ടിന്പുറത്തുകാരന്റെ ജീവിതത്തിലൂടെയുള്ളൊരു സഞ്ചാരമാണ് രണ്ട്.
അന്ന രേഷ്മ രാജനാണ് ചിത്രത്തില് നായികാ വേഷത്തില് എത്തുന്നത്.ഇര്ഷാദ്, കലാഭവന് റഹ്മാന്, സുധി കോപ്പ, ബാലാജി ശര്മ്മ, ഗോകുലന്, ജയശങ്കര്, കോബ്ര രാജേഷ്, ശ്രീലക്ഷ്മി, മാല പാര്വതി, മറീന മൈക്കിള്, പ്രീതി എന്നിവരാണ് ചിത്രത്തിലെ മറ്റു താരങ്ങള്.
Read more
ഛായാഗ്രഹണം – അനീഷ് ലാല് ആര് എസ്, കഥ, തിരക്കഥ, സംഭാഷണം – ബിനുലാല് ഉണ്ണി, എഡിറ്റിംഗ് – മനോജ് കണ്ണോത്ത്, എക്സിക്യൂട്ടീവ് പ്രൊഡ്യൂസര് – ടിനിടോം, മാനേജിംഗ് ഡയറക്ടര് – മിനി പ്രജീവ്, ലൈന് പ്രൊഡ്യൂസര് – അഭിലാഷ് വര്ക്കല, ഗാനരചന – റഫീഖ് അഹമ്മദ്, സംഗീതം – ബിജിപാല്, ആലാപനം – കെ കെ നിഷാദ്, ചമയം – പട്ടണം റഷീദ്, പട്ടണം ഷാ, പ്രൊഡക്ഷന് കണ്ട്രോളര് – ജയശീലന് സദാനന്ദന്