നന്ദമൂരി ബാലകൃഷ്ണയെ അഭിനന്ദിച്ച് രജനികാന്ത്. സംക്രാന്തി റിലീസ് ആയി എത്തിയ ‘വീരസിംഹ റെഡ്ഡി’ ചിത്രം കണ്ടതിന് ശേഷമാണ് രജനികാന്ത് അഭിനന്ദനങ്ങളുമായി എത്തിയത്. ചിത്രത്തിന്റെ സംവിധായകന്‍ ഗോപിചന്ദ് മലിനേനിയാണ് ഇക്കാര്യം അറിയിച്ചിരിക്കുന്നത്.
ജനുവരി 12ന് ആണ് ബാലയ്യയുടെ വീരസിംഹ റെഡ്ഡി തിയേറ്ററിലെത്തിയത്. റിലീസ് ചെയ്ത് ദിവസങ്ങള്‍ക്കുള്ളില്‍ തന്നെ നൂറ് കോടി കളക്ഷന്‍ നേടിയിരുന്നു. ചിത്രം ഇഷ്ടപ്പെട്ട രജനി തന്നെ ഫോണില്‍ വിളിച്ചു എന്നാണ് ഗോപിചന്ദ് പറയുന്നത്. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചിരിക്കുന്നത്.
”എന്നെ സംബന്ധിച്ച് ഭ്രമാത്മകമായ ഒരു നിമിഷമാണ് ഇത്. രജനികാന്ത് സാറില്‍ നിന്ന് ഒരു ഫോണ്‍കോള്‍ ലഭിച്ചു. അദ്ദേഹം വീരസിംഹ റെഡ്ഡി കണ്ടു. ചിത്രം ഇഷ്ടപ്പെട്ടെന്നാണ് പറഞ്ഞത്. എന്നെ സംബന്ധിച്ച് ലോകത്തില്‍ മറ്റെന്തിനെക്കാളും വലുതാണ് ചിത്രത്തെക്കുറിച്ച് അദ്ദേഹം പറഞ്ഞ പ്രശംസാ വചനങ്ങള്‍. നന്ദി രജനി സാര്‍” എന്നാണ് ഗോപിചന്ദ് മലിനേനിയുടെ ട്വീറ്റ്.
This is a surreal moment for me🤩🤗
Received a call from the Thalaivar, The Superstar @rajinikanth sir. He watched #VeeraSimhaReddy and loved the film.
His Words of praise about my film and the emotion he felt are more than anything in this world to me. Thankyou Rajini sir🙏
— Gopichandh Malineni (@megopichand) January 29, 2023
Read more
‘അഖണ്ഡ’ എന്ന സിനിമയുടെ വന്‍ വിജയത്തിന് ശേഷം തിയേറ്ററുകളിലെത്തിയ ബാലകൃഷ്ണ ചിത്രമാണ് വീരസിംഹ റെഡ്ഡി. ഹണി റോസ്, ശ്രുതി ഹാസന്‍ എന്നിവരാണ് ചിത്രത്തില്‍ നായികമാരായത്. ലാല്‍, വരലക്ഷ്മി ശരത്കുമാര്‍, ദുനിയ വിജയ്, പി രവി ശങ്കര്‍, ചന്ദ്രികാ രവി, അജയ് ഘഓഷ്, മുരളി ശര്‍മ്മ എന്നിവരും ചിത്രത്തില്‍ വേഷമിട്ടിരുന്നു.
