വിനായക് ദാമോദര്‍ സവര്‍ക്കറുടെ ജീവിതത്തെ ആസ്പദമാക്കി ഒരുക്കുന്ന പുതിയ സിനിമയുടെ ഫസ്റ്റ്‌ലുക്ക് റിലീസ് ചെയ്ത് രണ്‍ദീപ് ഹൂഡ. സ്വതന്ത്ര വീര്‍ സവര്‍ക്കര്‍ എന്നുപേരിട്ടിരിക്കുന്ന ചിത്രത്തില്‍ അദ്ദേഹം തന്നെയാണ് ടൈറ്റില്‍ കഥാപാത്രമാകുന്നത്.. സവര്‍ക്കറുടെ ജന്മദിനത്തോടനുബന്ധിച്ചാണ് ഫസ്റ്റ്‌ലുക്ക് റിലീസ്.
ഇന്ത്യന്‍ സ്വാതന്ത്ര്യ സമരങ്ങളുടെ മറ്റൊരു തലമാണ് സിനിമ പറയാന്‍ പോകുന്നത് എന്നാണ് അണിയറപ്രവര്‍ത്തകരുടെ അവകാശവാദം. ഏറ്റവും അധികം തെറ്റിദ്ധരിക്കപ്പെട്ട ഒരു മഹാനാണ് സവര്‍ക്കറെന്നും അങ്ങനെ ഒരു വീരപുരുഷനെ അവതരിപ്പിക്കുന്നതില്‍ സന്തോഷമുണ്ടെന്നും രണ്‍ദീപ് പറയുന്നു.
അതേസമയം രണ്‍ ദീപിന്‍രെ പോസ്റ്റിന് ലഭിക്കുന്നത് മുഴുവന്‍ വിമര്‍ശനക്കമന്റുകളാണ്. നടനെന്ന നിലയില്‍ രണ്‍ ദീപിനെ തങ്ങള്‍ക്ക് ഇഷ്ടമാണെന്നും എന്നാല്‍ ഇത്തരം മോശം വിഷയങ്ങള്‍ തിരഞ്ഞെടുക്കരുതെന്നുമാണ് ആരാധകരുടെ ഉപദേശം.
മഹേഷ് മഞ്ജ്‌രേക്കര്‍ സംവിധാനം ചെയ്യുന്ന ചിത്രം നിര്‍മിക്കുന്നത് സന്ദീപ് സിങ്ങും അമിത് ബി. വാധ്വാനിയും ചേര്‍ന്നാണ്. മഹാരാഷ്ട്രയിലെ വിവിധ സ്ഥലങ്ങള്‍, ലണ്ടന്‍, ആന്‍ഡമാന്‍ ദ്വീപ് എന്നിവടങ്ങളിലാകും സിനിമ ചിത്രീകരിക്കുക. സവര്‍ക്കറുടെ 138-ാം ജന്മവാര്‍ഷിക ദിനത്തിലായിരുന്നു സിനിമയുടെ പ്രഖ്യാപനം. മഹേഷ് മഞ്ജ്‌രേക്കര്‍ക്കൊപ്പം റിഷി വിര്‍മാനിയും ചേര്‍ന്നാണ് തിരക്കഥ ഒരുക്കുന്നത്.
