രാമസിംഹന്റെ സംവിധാനത്തിലൊരുങ്ങിയ ‘പുഴ മുതല്‍ പുഴ വരെ’ എന്ന സിനിമ അമേരിക്കയില്‍ റിലീസിന് ഒരുങ്ങുന്നതായുള്ള വാര്‍ത്തകള്‍ അടുത്തിടെയാണ് പുറത്തുവന്നത്. ഇപ്പോഴിതാ നോര്‍ത്ത് അമേരിക്കയിലെ റിലീസ് തീയതി പുറത്തുവിട്ടിരിക്കുകയാണ് സംവിധായകന്‍.
പുഴ കേരളത്തില്‍ നിന്നും പതുക്കെ പുറത്തോട്ട് ഒഴുകുകയാണ്. ആ ഒഴുക്കിന്റെ കൂടെ, ആ ഒഴുക്കിനെ സുഗമമാക്കാന്‍, എന്റെ എല്ലാ മലയാളി സുഹൃത്തുക്കളും സഹായിക്കണമെന്നും രാമസിംഹന്‍ ആവശ്യപ്പെട്ടു.
മാര്‍ച്ച് മുപ്പത്തി ഒന്നിന് പുഴ മുതല്‍ പുഴ വരെ നോര്‍ത്ത് അമേരിക്കയില്‍ റിലീസ് ചെയ്യും. റിലീസ് വിവരം പങ്കുവച്ചുകൊണ്ടുള്ള പോസ്റ്ററും രാമസിംഹന്‍ പങ്കുവച്ചിട്ടുണ്ട്. അതേസമയം, നാലാം വാരത്തിലേക്കാണ് രാമസിംഹന്റെ ചിത്രം കടന്നു പോകുന്നത്. കഴിഞ്ഞ ദിവസം ഗോവയിലും ചിത്രം പ്രദര്‍ശനത്തിന് എത്തിയിരുന്നു.
ഏഴ് കട്ടുകള്‍ ആണ് സിനിമയ്ക്ക് സെന്‍സര്‍ ബോര്‍ഡ് നിര്‍ദ്ദേശിച്ചത്. 1921ലെ മലബാറിന്റെ പശ്ചാത്തലത്തില്‍ വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിതം പറയുന്ന സിനിമ പൃഥ്വിരാജിനെ നായകനാക്കി ആഷിക് അബു പ്രഖ്യാപിച്ചിരുന്നു.
Read more
ഇതിന് പിന്നാലെയായിരുന്നു രാമസിംഹന്‍ തന്റെ സിനിമ പ്രഖ്യാപിച്ചത്. എന്നാല്‍ നിര്‍മ്മാതാവുമായുള്ള അഭിപ്രായഭിന്നത കാരണം ആഷിക് അബുവും പൃഥ്വിരാജും സിനിമയില്‍ നിന്നും പിന്മാറിയിരുന്നു.
