പൃഥ്വിരാജ്-ജീന്‍ പോള്‍ ലാല്‍ ചിത്രം ഡ്രൈവിംഗ് ലൈസന്‍സിന്റെ പുതിയ പോസ്റ്റര്‍ പുറത്തിറങ്ങി. പൊലീസ് അകമ്പടിയില്‍ സ്റ്റൈലന്‍ ലുക്കില്‍ നടന്നു വരുന്ന പൃഥ്വിയാണ് പോസ്റ്ററില്‍. മേജര്‍ രവി, ശിവജി ഗുരുവായൂര്‍ എന്നിവര്‍ പൊലീസ് വേഷത്തില്‍ പൃഥ്വിക്കൊപ്പമുണ്ട്.
ആഡംബരക്കാറുകളോട് ഭ്രമമുള്ള ഒരു സൂപ്പര്‍ സ്റ്റാറായാണ് പൃഥ്വിരാജ് ചിത്രത്തിലെത്തുന്നതെന്നാണ് സൂചന. സച്ചി തിരക്കഥയൊരുക്കുന്ന ചിത്രത്തില്‍ സുരാജ് വെഞ്ഞാറമൂട് ഒരു പ്രധാന കഥാപാത്രത്തെ അവതരിപ്പിക്കുന്നു. വെഹിക്കിള്‍ ഇന്‍സ്‌പെക്ടറുടെ റോളിലാണ് സുരാജ് വെഞ്ഞാറമ്മൂട്. പ്രശസ്ത കമ്പോസര്‍ സുഷിന്‍ ശ്യാമും ഈ പ്രോജക്ടിന്റെ ഭാഗമാണെന്നാണ് റിപ്പോര്‍ട്ട്.
Read more
ലിസ്റ്റിന്‍ സ്റ്റീഫന്റെ മാജിക് ഫ്രെയിംസും പൃഥ്വിരാജ് പ്രൊഡക്ഷന്‍സും സംയുക്തമായാണ് ഈ ചിത്രം നിര്‍മ്മിക്കുന്നത്. പൃഥ്വിരാജ് നിര്‍മാതാവും നായകനുമാവുന്ന രണ്ടാമത്തെ ചിത്രമാണ് ഇത്. അലക്സ് ജെ പുളിക്കലാണ് ചിത്രത്തിന്റെ ഛായാഗ്രാഹകന്‍. യാക്സന്‍ ഗാരി പെരേര നേഹ നായര്‍ എന്നിവര്‍ ചേര്‍ന്നാണ് സംഗീത സംവിധാനം. രതീഷ് രാജാണ് എഡിറ്റര്‍.
