മലയാള സിനിമ ആരാധകര് ഒന്നടങ്കം ആവേശത്തോടെ കാത്തിരിക്കുന്ന ചിത്രമാണ് ലൂസിഫര്. മലയാളത്തിന്റെ പ്രിയ നടന് പൃഥ്വിരാജ് ആദ്യമായി സംവിധാനം ചെയ്യുന്ന ചിത്രം, നായകനായി മോഹന്ലാല് എന്നീ രണ്ട് പ്രത്യേകതകളാണ് ചിത്രത്തെ പ്രേക്ഷകര്ക്ക് ഏറെ പ്രിയങ്കരമാക്കുന്നത്. റിലീസ് അടുത്തതോടെ സിനിമയുടെ പുറത്തു വരുന്ന വിശേഷങ്ങള്ക്കും ചിത്രങ്ങള്ക്കും സ്വീകാര്യതയേറുകയാണ്. ഇപ്പോളിതാ പൃഥ്വിരാജും ചിത്രത്തില് ഒരു പ്രധാന വേഷത്തിലെത്തുന്നു എന്നതാണ് ആരാധകരെ ത്രസിപ്പിച്ചിരിക്കുന്നത്. സയിദ് മസൂദ് എന്ന കഥാപാത്രമായാണ് പൃഥ്വി ചിത്രത്തില് എത്തുന്നത്.
ആരാധകരെ ആവേശത്തിലാഴ്ത്തി ഇന്നാണ് പൃഥ്വിരാജിന്റെ ക്യാരക്ടര് പോസ്റ്റര് റിലീസ് ചെയ്തത്. നേരത്തെ ചിത്രത്തിന്റെ ട്രെയിലര് പുറത്തു വന്നപ്പോള് ഉടലെടുത്ത ചില ഊഹാപോഹങ്ങള്ക്കാണ് ഇതോടെ അന്ത്യമായത്. ട്രെയിലറില് പൃഥ്വിയുടെ സാന്നിധ്യം ആരാധകര് തിരിച്ചറിഞ്ഞിരുന്നു. ഇപ്പോള് പുറത്തിറങ്ങിയ ക്യാരക്ടര് പോസ്റ്റിലും ആരും പെട്ടെന്ന് ശ്രദ്ധിക്കാത്ത വിധത്തില് ഒരു മുഖം ഒളിഞ്ഞിരിപ്പുണ്ട്. സോഷ്യല് മീഡിയയിലൂടെ ചില വിരുതന്മാര് അത് ചൂണ്ടിക്കാണിക്കുകയും ചെയ്തു. റോബിന് ഹുഡ് ഗെറ്റ് അപ്പില് ഉള്ള മോഹന്ലാലിന്റെ അപ്പിയറന്സ് ആണ് പോസ്റ്ററില് പെട്ടെന്ന് ശ്രദ്ധിക്കപ്പെടാത്ത വിധത്തില് ഒളിഞ്ഞു കിടക്കുന്നത്.
Read more
പൊളിറ്റിക്കല് ത്രില്ലര് ഗണത്തില് പെടുന്ന ചിത്രത്തില് സ്റ്റീഫന് നെടുമ്പിള്ളി എന്ന രാഷ്ട്രീയ പ്രവര്ത്തകനെയാണ് മോഹന്ലാല് അവതരിപ്പിക്കുക. വലിയ മുതല് മുടക്കില് ഒരുങ്ങുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് മുരളി ഗോപിയാണ്. മഞ്ജു വാര്യരാണ് ചിത്രത്തില് നായിക. ബോളിവുഡ് താരം വിവേക് ഒബ്റോയി ആണ് വില്ലന്. ഇന്ദ്രജിത്ത്, കലാഭവന് ഷാജോണ്, ടൊവിനോ, ഫാസില്, മംമ്ത, ജോണ് വിജയ് എന്നിവരാണ് മറ്റുതാരങ്ങള്. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ലൂസിഫര് നിര്മ്മിക്കുന്നത്. ഛായാഗ്രഹണം സുജിത്ത് വാസുദേവ്. സംഗീതം ദീപക് ദേവ്. ചിത്രം മാര്ച്ച് 28 ന് തിയേറ്ററുകളിലെത്തും.