നീണ്ട ഇടവേളയ്ക്ക് ശേഷം പൃഥിരാജിനെ നായകനാക്കി ഷാജി കൈലാസ് സംവിധാനം ചെയ്ത ചിത്രം കടുവ തീയേറ്ററില്‍ വിജയകരമായി മുന്നേറുകയാണ്. ആക്ഷന്‍ രംഗങ്ങള്‍ കൊണ്ട് സമ്പന്നമായ ചിത്രത്തിലെ ഒരു ഫൈറ്റ് സീനാണ് ഇപ്പോള്‍ അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്. 3മിനിറ്റ് 57 സെക്കന്റ് ദൈര്‍ഘ്യമുള്ള വീഡിയോ മാജിക്ക് ഫ്രെയിംസിന്റെ യൂട്യുബ് ചാനലിലൂടെയാണ് റിലീസ് ചെയ്തിരിക്കുന്നത്.
ജയിലില്‍ വെച്ചുള്ള ആക്ഷന്‍ രംഗങ്ങളാണ് വീഡിയോയിലുള്ളത്. ‘വാടാ കുളിപ്പിച്ചു താരം എന്ന കമന്റിന് പിന്നെ എന്നാട ഉവ്വേ കുളിച്ചേക്കാം എന്ന് പറഞ്ഞാണ് പൃഥ്വിയുടെ ആക്ഷൻ രംഗങ്ങൾക്ക് തുടക്കം കുറിക്കുന്നത്.’ വീഡിയോ പുറത്ത് വന്നതിന് പിന്നാലെ പ്രശംസകളുമായി നിരവധി ആരാധകരാണ് എത്തിയിട്ടുള്ളത്.
തിയേറ്ററില്‍ ഏറെ ആവേശം കൊള്ളിച്ച ഫൈറ്റ് സീനായിരുന്നു ഇതെന്നാണ് വീഡിയോ കണ്ടവര്‍ കമന്റ് ചെയ്യുന്നത്. മലയാളമുള്‍പ്പെടെ അഞ്ച് ഭാഷകളിലാണ് ചിത്രം റിലീസ് ചെയ്തത്. ചിത്രത്തില്ർ പ്രധാന വില്ലൻ വേഷത്തിലെത്തിയത് വിവേക് ഒബ്രോയിയാണ്.
Read more
പൃഥ്വിരാജ് പ്രൊഡക്ഷന്‍സും ലിസ്റ്റിന്‍ സ്റ്റീഫന്റെ മാജിക് ഫ്രെയിംസും ചേര്‍ന്നാണ് കടുവ നിര്‍മിച്ചിരിക്കുന്നത്. ജിനു എബ്രഹാമാണ് കടുവയുടെ തിരക്കഥയെഴുതിയിരിക്കുന്നത് . സംയുക്ത മേനോന്‍, സായ് കുമാര്‍, സിദ്ദിഖ്, ജനാര്‍ദ്ദനന്‍, വിജയരാഘവന്‍, അജു വര്‍ഗീസ്, ഹരിശ്രീ അശോകന്‍, രാഹുല്‍ മാധവ്, കൊച്ചുപ്രേമന്‍, സീമ, പ്രിയങ്ക തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചത്.
