ഒരു നീണ്ട ഇടവേളയ്ക്ക് ശേഷം പ്രശസ്ത നടനും സംവിധായകനുമായ പ്രതാപ് പോത്തന്‍ നായക വേഷത്തില്‍ എത്തുന്ന ചിത്രമാണ് പച്ചമാങ്ങാ. ജയേഷ് മൈനാഗപ്പള്ളി തിരക്കഥയും സംഭാഷണവും രചിച്ചു സംവിധാനം ചെയ്ത ഈ ചിത്രത്തിന്റെ ട്രെയിലര്‍ റിലീസ് ചെയ്തു. കിടിലന്‍ ആക്ഷന്‍ രംഗങ്ങളും സോനാ ഹൈഡന്റെ ഗ്ലാമര്‍ പ്രദര്‍ശനവും ചേര്‍ന്ന ഈ ട്രെയിലര്‍ വമ്പന്‍ പ്രേക്ഷക ശ്രദ്ധയാണ് നേടിയെടുക്കുന്നത്.
ഷാജി പട്ടിക്കര കഥ രചിച്ചിരിക്കുന്ന ഈ ചിത്രത്തിന് വേണ്ടി ഛായാഗ്രഹണം നിര്‍വഹിച്ചിരിക്കുന്നത് ശ്യാം കുമാര്‍ ആണ്. സാജന്‍ റാം സംഗീതം ഒരുക്കിയ ഈ ചിത്രം എഡിറ്റ് ചെയ്തിരിക്കുന്നത് വി ടി ശ്രീജിത്തും ഇതിലെ ഗാനങ്ങള്‍ക്ക് വരികള്‍ എഴുതിയിരിക്കുന്നത് പി കെ ഗോപിയും ആണ്. ഫുള്‍ മാര്‍ക്ക് സിനിമയുടെ ബാനറില്‍ ആണ് ഈ ചിത്രം നിര്‍മ്മിച്ചിരിക്കുന്നത്.
1980- കള്‍ മുതല്‍ മലയാള സിനിമയില്‍ ഉള്ള കലാകാരന്‍ ആണ് പ്രതാപ് പോത്തന്‍. ഒട്ടേറെ ക്ലാസിക് മലയാള ചിത്രങ്ങളുടെ ഭാഗമായിട്ടുള്ള അദ്ദേഹം മോഹന്‍ലാല്‍, ശിവാജി ഗണേശന്‍ ടീമിനെ വെച്ചൊരുക്കിയ ഒരു യാത്രാമൊഴി സൂപ്പര്‍ വിജയം നേടിയ ചിത്രമാണ്.
Read more
ഋതുഭേദം, ഡെയ്‌സി എന്നിവയും അദ്ദേഹം സംവിധാനം ചെയ്ത ചിത്രങ്ങള്‍ ആണ്. മലയാളത്തിന് പുറമെ തമിഴ് സിനിമകളിലൂടെയും പ്രശസ്തനായ നടനാണ് പ്രതാപ് പോത്തന്‍.
