തമിഴ് ബിഗ് ബോസിലൂടെ വന് ജനപ്രീതിയും ആരാധക പിന്തുണയും നേടിയ ഓവിയയുടെ ഏറ്റവും പുതിയ ചിത്രമാണ് “90 എം.എല്”. ചിത്രത്തിന്റെ ട്രെയിലര് റിലീസ് ചെയ്തതു മുതല് വിവാദങ്ങളായിരുന്നു. ഇപ്പോഴിതാ സിനിമ സംസ്കാരത്തെ കളങ്കപ്പെടുത്തിയെന്ന പരാതിയുമായി ഇന്ത്യന് നാഷണല് ലീഗ് രംഗത്ത് വന്നിരിക്കുകയാണ്. ചിത്രത്തിലെ നായിക ഓവിയയ്ക്കും സംവിധായിക അനിതാ ഉദീപ് എന്നിവര്ക്കെതിരെ നാഷണല് ലീഗ് പാര്ട്ടി സംസ്ഥാന വിമന് വിംഗ് മേധാവി ആരിഫ റസാക്ക് ആണ് ചെന്നൈ സിറ്റി പോലീസ് കമ്മീഷണര്ക്ക് പരാതി നല്കിയതെന്ന് ദ ന്യൂസ് മിനിട്ട് റിപ്പോര്ട്ട് ചെയ്തു. പരാതിയുടെ അടിസ്ഥാനത്തില് എഫ് ഐ ആര് രജിസ്റ്റര് ചെയ്തിട്ടുണ്ട്.
മദ്യപാനികള് ഉപയോഗിക്കുന്ന പേരാണ് സിനിമയുടെ ടൈറ്റില് തന്നെ. അത്തരമൊരു സിനിമ റിലീസ് ചെയ്യാന് സെന്സര് ബോര്ഡ് എങ്ങിനെ അനുവാദം നല്കിയെന്നും പരാതിയില് ചോദിക്കുന്നു. ലൈംഗികാതിക്രമങ്ങളെ പിന്തുണയ്ക്കുന്ന തരത്തിലും ചിത്രീകരിച്ചിരിക്കുന്നതായും പരാതിയിലുണ്ട്.
സ്കൂള്, കോളജ് വിദ്യാര്ത്ഥികളെയും യുവതികളെയും വഴി തെറ്റിക്കുന്ന തരത്തിലുള്ള അനേകം രംഗങ്ങള് സിനിമയിലുണ്ടെന്നും എന് എല് പിയുടെ വനിതാ നേതാവ് പരാതിയിലൂടെ ആരോപിക്കുന്നു. സാംസ്കാരിക മൂല്യങ്ങളെ പരസ്യമായി എതിര്ക്കുന്ന രംഗങ്ങളും ചിത്രത്തിലുണ്ട്. അമിതമായ അശ്ലീല പദപ്രയോഗങ്ങളും ചൂടന് രംഗങ്ങളും പുകവലിയും മദ്യപാനവുമെല്ലാം ഉള്പ്പെട്ട ചിത്രത്തിന്റെ ട്രെയിലറിന് വരെ എ സര്ട്ടിഫിക്കറ്റാണ് നല്കിയിരുന്നത്.
Read more
മലയാളിതാരം ആന്സന് പോളും ചിത്രത്തില് ഒരു പ്രധാനവേഷത്തില് എത്തുന്നുണ്ട്. മാസൂം, ശ്രീ ഗോപിക, മോനിഷ, തേജ് രാജ് എന്നിവരാണ് മറ്റുതാരങ്ങള്. അനിത ഉദീപ് സംവിധാനം ചെയ്യുന്ന ചിത്രത്തിന് സംഗീതം നിര്വഹിക്കുന്നത് ചിമ്പുവാണ്. താരം അതിഥി വേഷത്തിലും സിനിമയില് പ്രത്യക്ഷപ്പെടുന്നു.