ദീപക് പറമ്പോലിനെ നായകനാക്കി നവാഗതനായ വിവേക് ആര്യന്‍ സംവിധാനം ചെയ്യുന്ന ഓര്‍മയില്‍ ഒരു ശിശിരം നാളെ തിയേറ്ററുകളിലെത്തും. ചെറിയ വേഷങ്ങളിലൂടെ ശ്രദ്ധേയനായ ദീപക് പറമ്പോല്‍ ആദ്യമായി നായക വേഷം കൈകാര്യം ചിത്രത്തില്‍ പുതുമുഖം അനശ്വരയാണ് നായിക. ആദ്യ പ്രണയത്തിന്റെ നോവും മധുരവുമാണ് ചിത്രം പറയുന്നതെന്ന് സംവിധായകന്‍ വിവേക് പറയുന്നു.
“ആദ്യ പ്രണയത്തെ കുറിച്ചാണ് ഈ സിനിമ സംസാരിക്കുന്നത്. ഓര്‍മയിലെ ഒരു ശിശിരം. നായകന്‍ പ്ലസ് വണ്‍ കാലത്തെ പ്രണയം ഓര്‍ക്കുന്നതായാണ് ചിത്രം അവതരിപ്പിച്ചിരിക്കുന്നത്. നാട്ടിന്‍പുറം പശ്ചാത്തലമാക്കി വിദ്യാലയജീവിതത്തിലെ സൗഹൃദവും പ്രണയവും സുഖവും നോവുമെല്ലാമാണ് ചിത്രത്തിലൂടെ പറയുന്നത്.” വിവേക് പറഞ്ഞു.
Read more
എല്‍ദോ മാത്യു, ജെയിംസ് സാം, ബേസില്‍ ജോസഫ്, ഇര്‍ഷാദ്, അശോകന്‍, മാല പാര്‍വതി, സുധീര്‍ കരമന, അലന്‍സിയര്‍ തുടങ്ങിയവരും ചിത്രത്തില്‍ അണിനിരക്കുന്നു. വിഷ്ണുരാജിന്റെ കഥയ്ക്ക് ശിവപ്രസാദ് സി.ജി, അപ്പു ശ്രീനിവാസ് നായര്‍ എന്നിവര്‍ ചേര്‍ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. മാക്ട്രോ പ്രൊഡക്ഷന്‍സാണ് നിര്‍മ്മാണം. ഛായാഗ്രഹണം അരുണ്‍ ജെയിംസ്. ബി കെ ഹരിനാരായണന്റെ വരികള്‍ക്ക് രഞ്ജിന്‍ രാജ് ഈണം നല്‍കിയിരിക്കുന്നു.
