തിയേറ്ററുകളിൽ ഗംഭീര വിജയം നേടിയ രജനി ചിത്രം ‘ജയിലറി’ന് ശേഷം നെൽസൺ ദിലീപ് കുമാർ വീണ്ടും വരുന്നു. ഇത്തവണ അല്ലു അർജുനാണ് ചിത്രത്തിൽ നായകനെന്നാണ് പുറത്തുവരുന്ന റിപ്പോർട്ടുകൾ.
ചിത്രത്തിന്റെ ചർച്ചകൾക്കായി അല്ലു അർജുനുമായി നെൽസൺ കൂടികാഴ്ച നടത്തി എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. നെൽസൺന്റെ സംവിധാന രീതി അല്ലുവിന് വളരെ നന്നായി ഇഷ്ടപ്പെട്ടെന്നും ഇതിനെത്തുടർന്നാണ് ഒരുമിച്ചൊരു സിനിമയ്ക്കായി ചർച്ചകൾ നടത്തിയതുമെന്നാണ് വിവരം.
നെൽസൺ അവതരിപ്പിച്ച കഥ താരത്തിന് ഇഷ്ടപ്പെട്ടതുകൊണ്ട് തന്നെ സിനിമയുടെ ഔദ്യോഗിക പ്രഖ്യാപനം ഉടൻ ഉണ്ടാവുമെന്നാണ് പുറത്തുവരുന്ന റിപ്പോർട്ടുകൾ. ജെയിലറിന് ശേഷം പുതിയൊരു സിനിമയ്ക്ക് നെൽസൺ ദിലീപ് കുമാർ ഒരുങ്ങുമ്പോൾ അല്ലു ആരാധകരും സിനിമ പ്രേമികളും വൻ പ്രതീക്ഷയിലാണ്.
Read more
അതേ സമയം തമിഴിലെ കളക്ഷൻ റെക്കോർഡുകളെല്ലാം ‘ജയിലർ’ തിരുത്തിയെഴുതിയിരുന്നു. 600 കോടി രൂപയാണ് ആഗോള കളക്ഷനായി ‘ജെയിലർ’ നേടിയത്. അല്ലു അർജുൻ നായകനായ ‘പുഷ്പ’യിൽ താരത്തിന് മികച്ച നടനുള്ള ദേശീയ അവാർഡ് ലഭിച്ചത് വലിയ വാർത്തയായിരുന്നു. ‘പുഷ്പ 2’ ആണ് അല്ലുവിന്റെ പുറത്തിറങ്ങാനിരിക്കുന്ന വലിയ പ്രോജക്ട്.
