വിവാഹത്തിന് ശേഷം ആരാധകരെയും മാധ്യമപ്രവര്‍ത്തകരെയും അഭിസംബോധന ചെയ്ത് നയന്‍താരയും വിഘ്‌നേഷ് ശിവനും. ചെന്നെെയിലെ താജ് ക്ലബ് ഹൗസ് ഹോട്ടലിൽ വച്ച് നടന്ന പ്രസ് മീറ്റിലാണ് ഇരുവരും മാധ്യമങ്ങള്‍ക്കു മുന്നിലെത്തി സംസാരിച്ചത്. മാധ്യമ പ്രവർത്തകര്‍ക്കായി പ്രത്യേക വിരുന്നും താരദമ്പതികൾ ഒരുക്കിയിരിന്നു.
നാനും റൗഡിതാന്‍ എന്ന സിനിമയുടെ കഥ പറയാന്‍ ആദ്യമായി നയന്‍താരയെ നേരില്‍ കണ്ട അതേ ഹോട്ടലില്‍ തന്നെയാണ് വിവാഹത്തിന് ശേഷം വാര്‍ത്താസമ്മേളനം നടക്കുന്നത്. ഇവിടെ വച്ചാണ് ഇരുവരും ആദ്യമായി കണ്ടത് വീണ്ടും അവിടെ തന്നെ വന്നത് ആകസ്മികമാണെന്ന് പറഞ്ഞാണ് വിഘ്‌നേഷ് ശിവന്‍ സംസാരിച്ച് തുടങ്ങിയത്.
ഇത്രയും കാലം എല്ലാവരും നൽകിയ സ്‌നേഹത്തിനും പിന്തുണയ്ക്കും നന്ദി പറയുന്നുവെന്ന് നയന്‍താര പറഞ്ഞു. ഇത്രയും കാലം നിങ്ങള്‍ നല്‍കിയ സ്‌നേഹത്തിന് ഒരുപാട് നന്ദി. ഇനി ഞങ്ങള്‍ രണ്ടുപേരുടെയും കരിയര്‍ മുന്നോട്ട് പോകാന്‍ ഇത്രയും കാലം നില്‍കിയ പിന്തുണ ഇനി തുടര്‍ന്നും പ്രതീക്ഷിക്കുന്നുവെന്ന് വിഘ്‌നേഷ് ശിവന്‍ പറഞ്ഞു.
Read more
ജൂൺ 9ന് ചെന്നൈ മഹാബലിപുരത്തെ റിസോർട്ടിൽ വച്ചായിരുന്നു ഇരുവരുടെയും വിവാഹം. ഏഴു വര്‍ഷം നീണ്ട പ്രണയത്തിനൊടുവിലാണ് വിഘ്നേഷും നയൻതാരയും വിവാഹിതരായത്‌
