80-ാമത് ഗോള്‍ഡന്‍ ഗ്ലോബ് പുരസ്‌കാരത്തില്‍ ഇന്ത്യയുടെ അഭിമാനമായ ആര്‍ആര്‍ആറിനെ പ്രശംസിച്ച് പ്രധാനമന്ത്രി നരേന്ദ്ര മോദി. ട്വിറ്ററിലൂടെയാണ് നരേന്ദ്ര മോദി അഭിനന്ദനം അറിയിച്ചത്. സിനിമയുടെ സംഗീത സംവിധായകന്‍ എംഎം കീരവാണി, സംവിധായകന്‍ രാജമൗലി ഉള്‍പ്പടെയുള്ള അണിയറ പ്രവര്‍ത്തകരുടെ പേരുകള്‍ എടുത്തു പറഞ്ഞു കൊണ്ടുള്ളതാണ് അദ്ദേഹത്തിന്റെ ട്വീറ്റ്.
A very special accomplishment! Compliments to @mmkeeravaani, Prem Rakshith, Kaala Bhairava, Chandrabose, @Rahulsipligunj. I also congratulate @ssrajamouli, @tarak9999, @AlwaysRamCharan and the entire team of @RRRMovie. This prestigious honour has made every Indian very proud. https://t.co/zYRLCCeGdE
— Narendra Modi (@narendramodi) January 11, 2023
‘സവിശേഷമായ ഒരു നേട്ടമാണിത്. എംഎം കീരവാണിയെ അഭിനന്ദിക്കുന്നു. ഗാനത്തിന് പിന്നില്‍ പ്രവര്‍ത്തിച്ച പ്രേം രക്ഷിത്, കാലഭൈരവ, ചന്ദ്രബോസ്, രാഹുല്‍സിപ്ലിഗുഞ്ച്, രാജമൗലി, ജൂനിയര്‍ എന്‍ടിആര്‍, രാംചരണ്‍ തുടങ്ങിയ എല്ലാ ആര്‍ആര്‍ആര്‍ അണിയറ പ്രവര്‍ത്തകരെയും അഭിനന്ദിക്കുന്നു. ഈ അഭിമാനകരമായ നേട്ടം ഓരോ ഇന്ത്യക്കാരനേയും അഭിമാനപുളകിതനാക്കുന്നതാണ്’ പ്രധാനമന്ത്രി ട്വീറ്റ് ചെയ്തു.
ആര്‍ആര്‍ആറിന്റെ അഭിമാന നേട്ടത്തില്‍ ഇന്ത്യന്‍ സിനിമാലോകമുഴുവന്‍ സന്തോഷം പങ്കുവെച്ചിട്ടുണ്ട്.’ഗോള്‍ഡന്‍ ഗ്ലോബ് നേടിയ താങ്കളുടെ നാട്ടു നാട്ടു എന്ന ഗാനത്തിന് ചുവടുവെച്ചാണ് ഇന്ന് ഉറക്കമെഴുന്നേറ്റത്’, എന്നാണ് ഷാരൂഖ് ഖാന്റെ പ്രതികരണം. ഇനിയും പുരസ്‌കാരങ്ങള്‍ നേടി ഇന്ത്യയ്ക്ക് കൂടുതല്‍ അഭിമാനകരമാകട്ടെ എന്നും അദ്ദേഹം ആശംസിച്ചു.
നേട്ടത്തില്‍ ഓസ്‌കാര്‍ അവാര്‍ഡ് ജേതാവും സംഗീത സംവിധായകനുമായ എആര്‍ റഹ്‌മാന്‍ സംഗീത സംവിധായകന്‍ എംഎം കീരവാണിയെ അഭിനന്ദിച്ചെത്തിയിരുന്നു. ‘അവിശ്വസനീയമായ മാറ്റമാണിത്. കീരവാണിക്കും എസ്എസ് രാജമൗലിക്കും ആര്‍ആര്‍ആര്‍ ടീമിനും എല്ലാ ഇന്ത്യക്കാരുടെയും അഭിനന്ദനങ്ങള്‍’, എന്നാണ് എ ആര്‍ റഹ്‌മാന്‍ ട്വീറ്റ് ചെയ്തത്.
Read more
പതിനാല് വര്‍ഷങ്ങള്‍ക്ക് ശേഷമാണ് ഗോള്‍ഡന്‍ ഗ്ലോബ് ഇന്ത്യയിലേക്ക് എത്തുന്നത്. സ്ലംഡോഗ് മില്യണേയര്‍ എന്ന ചിത്രത്തിലൂടെ എ ആര്‍ റഹ്‌മാന്‍ ആണ് അന്ന് പുരസ്‌കാരം ഇന്ത്യയ്ക്ക് നേടിത്തന്നത്.
