ലാല്‍ ജൂനിയറിന്റെ സംവിധാനത്തിലൊരുങ്ങുന്ന ചിത്രമാണ് നടികര്‍ തിലകം. ഇപ്പോഴിതാ സിനിമയുടെ അണിയറപ്രവര്‍ത്തകര്‍ ടോവിനോ തോമസിന് പിറന്നാള്‍ സമ്മാനമായി സിനിമയുടെ കോണ്‍സെപ്റ്റ് മോഷന്‍ പോസ്റ്റര്‍ പുറത്തിറക്കി.
വളരെ ആകര്‍ഷകമായ പോസ്റ്ററില്‍ അണ്ടര്‍ വാട്ടര്‍ ക്രൈസ്റ്റിന്റെ രൂപത്തിലാണ് ടോവിനോ എത്തുന്നത്. സമുദ്രജീവികളെ സംരക്ഷിക്കുന്നതിനും സമുദ്രം മലിനമാക്കുന്നത് തടയുന്നതിനും പോസ്റ്റര്‍ ഊന്നല്‍ നല്‍കുന്നു. പോസ്റ്ററിന് സിനിമാ ആസ്വാദകര്‍ക്കിടയില്‍ മികച്ച പ്രതികരണമാണ് ലഭിക്കുന്നത്. സമൂഹ മാധ്യമങ്ങളിലും പോസ്റ്റര്‍ ഏറെ ശ്രദ്ധ നേടുകയാണ്.
View this post on Instagram
ബ്ലോക്ക്ബസ്റ്റര്‍ ചിത്രമായ ഡ്രൈവിംഗ് ലൈസന്‍സിന് ശേഷം ലാല്‍ ജൂനിയര്‍ സംവിധാനം ചെയ്യുന്ന ചിത്രമാണിത്. പുഷ്പ – ദ റൈസ് നിര്‍മ്മിച്ച മൈത്രി മൂവി മേക്കേഴ്സ് നടികര്‍ തിലകത്തിലൂടെ മലയാളത്തിലേക്ക് ചുവടുവെക്കുന്നു. മൈത്രി മൂവി മേക്കേഴ്‌സിന്റെ വൈ.നവീനും വൈ.രവി ശങ്കറിനോടുമൊപ്പം, അലന്‍ ആന്റണിയും അനൂപ് വേണുഗോപാലും നേതൃത്വം നല്‍കുന്ന ഗോഡ്സ്പീടും ചിത്രത്തിന്റെ നിര്‍മാണ പങ്കാളിയാണ്.
സുവിന്‍ സോമശേഖരനാണ് നടികര്‍ തിലകത്തിന്റെ തിരക്കഥ ഒരുക്കിയിരിക്കുന്നത്. സൗബിന്‍ ഷാഹിറിന്റെ പിറന്നാള്‍ ദിനത്തിലും അണിയറപ്രവര്‍ത്തകര്‍ പുറത്തിറക്കിയ പോസ്റ്റര്‍ ചര്‍ച്ചയായിരുന്നു, സൗബിനെ വളരെ വ്യത്യസ്ത രൂപത്തിലാണ് ആ പോസ്റ്ററില്‍ കാണാന്‍ കഴിഞ്ഞത്.
Read more
ടോവിനോയും സൗബിനും കൂടാതെ സുരേഷ് കൃഷ്ണ, ബാലു വര്‍ഗീസ്, വീണ നന്ദകുമാര്‍ തുടങ്ങിയവരും നടികര്‍ തിലകത്തിന്റെ ഭാഗമാണ്.
