മരക്കാര്‍ അറബിക്കടലിന്റെ സിംഹം എന്ന പ്രിയദര്‍ശന്‍ സിനിമയുടെ ലൊക്കേഷന്‍ സ്റ്റില്‍ സോഷ്യല്‍ മീഡിയയില്‍ പുതിയൊരു യുദ്ധത്തിനാണ് വഴി തുറന്നത്. മോഹന്‍ലാല്‍ ഇരിക്കുന്ന ചിത്രത്തെ പരിഹസിച്ച് ബോഡിഷെയ്മിംഗ് കമന്റുകളും ട്രോളുകളുകളുമായി ഒരു വിഭാഗം രംഗത്തെത്തിയതാണ് സൈബര്‍ പോരിന് കളമൊരുക്കിയത്. വിവിധ ഫെയ്‌സ്ബുക്ക് ഗ്രൂപ്പുകളില്‍ കുഞ്ഞാലിമരക്കാര്‍ എന്ന വമ്പന്‍ സിനിമയെ കുറിച്ചുള്ള ചര്‍ച്ച മോഹന്‍ലാലിന്റെ ശരീരാകൃതിയെ പരിഹസിച്ചാണ് പുരോഗമിക്കുന്നത്.
എന്നാല്‍ ഫിറ്റ്‌നസിന്റെ കാര്യത്തില്‍ വളരെ ശ്രദ്ധ ചെലുത്തുന്ന നടനാണ് മോഹന്‍ലാല്‍. ഒടിയന് വേണ്ടി രൂപമാറ്റങ്ങള്‍ നടത്തിയ മോഹന്‍ലാല്‍ പിന്നീട് തന്റെ ശരീരം കാത്തു സൂക്ഷിക്കുന്നതില്‍ ഏറെ ശ്രദ്ധ പുലര്‍ത്തുന്നുണ്ടെന്നതാണ് സത്യം. മോഹന്‍ലാലിന്റെ വര്‍ക്ക് ഔട്ട് ചിത്രങ്ങളും മറ്റും സോഷ്യല്‍ മീഡിയയില്‍ വൈറലായിട്ടുണ്ട്. ഇപ്പോഴിതാ താരത്തിന്റെ ശരീരാകൃതിയെ പരിഹസിച്ച് ട്രോളുകള്‍ ഉയരുമ്പോള്‍ പുതിയ വര്‍ക്കൗട്ട് ചിത്രങ്ങളും വീഡിയോയും സോഷ്യല്‍ മീഡിയയില്‍ വൈറലായിരിക്കുകയാണ്.
Read more
സിദ്ദിഖ് രചനയും സംവിധാനവും നിര്‍വ്വഹിക്കുന്ന ബിഗ് ബ്രദര്‍ ആണ് മോഹന്‍ലാലിന്റെ ഷൂട്ടിംഗ് പുരോഗമിക്കുന്ന പുതിയ ചിത്രം. ലേഡീസ് ആന്‍ഡ് ജെന്റില്‍മാന്‍ എന്ന ചിത്രത്തിന് ശേഷം മോഹന്‍ലാലിനെ നായകനാക്കി സിദ്ദിഖ് ഒരുക്കുന്ന ചിത്രമാണിത്. അതിനു ശേഷം താന്‍ സംവിധാനം ചെയ്യുന്ന ബറോസിന്റെ തിരക്കുകളിലേക്കാവും മോഹന്‍ലാല്‍ തിരിയുക. അതേസമയം, കുഞ്ഞാലിമരയ്ക്കാര്‍ അടുത്ത വര്‍ഷം മാര്‍ച്ച് 19- ന് തിയേറ്ററുകളിലെത്തും.
