മലയാള സിനിമാലോകം ആകാംക്ഷാപൂര്‍വ്വം കാത്തിരിക്കുന്ന ബ്രഹ്മാണ്ഡ ചിത്രം മാമാങ്കത്തിന്റെ മേക്കിംഗ് വീഡിയോ റിലീസ് ചെയ്തു. കാണാന്‍ പോകുന്ന മാമാങ്ക കാഴ്ചയ്ക്കായി ഇരട്ടി ആവേശം പകരുന്ന രീതിയ്ക്കാണ് മേക്കിംഗ് വീഡിയോ അണിയിച്ചൊരുക്കിയിരിക്കുന്നത്. പതിനെട്ടാം നൂറ്റാണ്ടില്‍ നടന്നിരുന്ന മാമാങ്കമേളയുടെ പുനരാവിഷ്‌കാരം അത്ഭുതപ്പെടുത്തും വിധം തന്നെ പ്രേക്ഷകരിലേക്ക് എത്തുമെന്ന് തന്നെയാണ് മേക്കിംഗ് വീഡിയോ കാണിച്ചു തരുന്നത്.
മലയാളത്തില്‍ ഇതേ വരെ നിര്‍മ്മിച്ചിട്ടുള്ള ഏറ്റവും ചെലവേറിയ സിനിമയാണ് മാമാങ്കം. എം. പത്മകുമാറാണ് ചിത്രം സംവിധാനം ചെയ്യുന്നത്. ചിത്രത്തിന്റെ തിരക്കഥ ഒരുക്കിയത് ശങ്കര്‍ രാമകൃഷ്ണനാണ്. മലയാളത്തിനു പുറമേ, തമിഴ്, തെലുങ്ക്, ഹിന്ദി ഭാഷകളിലും ചിത്രം റിലീസ് ചെയ്യുന്നുണ്ട്. ഉണ്ണി മുകുന്ദന്‍, കനിഹ, അനു സിത്താര, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാന്‍, മാസ്റ്റര്‍ അച്യുതന്‍ എന്നിവരാണ് ചിത്രത്തിലെ മറ്റ് താരങ്ങള്‍.
Read more
കാവ്യ ഫിലിം കമ്പനിയുടെ ബാനറില്‍ പ്രവാസി വ്യവസായിയായ വേണു കുന്നപ്പള്ളിയാണ് ഈ ചിത്രം നിര്‍മ്മിക്കുന്നത്. എം. ജയചന്ദ്രന്‍ ആണ് ചിത്രത്തിന് വേണ്ടി സംഗീതം ഒരുക്കുന്നത്. ചിത്രം നവംബര്‍ 21-ന് തിയേറ്ററുകളിലെത്തും.
