മാളവിക മോഹനനും മാത്യുവും ഒന്നിച്ച ‘ക്രിസ്റ്റി’ ഉടന്‍ ഒ.ടി.ടി പ്ലാറ്റ്‌ഫോമില്‍ സ്ട്രീമിംഗ് ആരംഭിക്കുമെന്ന് റിപ്പോര്‍ട്ടുകള്‍. ഫെബ്രുവരി 17ന് ആണ് ചിത്രം തിയേറ്ററുകളിലെത്തിയത്. മാര്‍ച്ചില്‍ തന്നെ ചിത്രം ഒ.ടി.ടിയില്‍ എത്തുമെന്ന വാര്‍ത്തകളാണ് ഇപ്പോള്‍ പുറത്തു വരുന്നത്.
സോണി ലിവ് ആണ് ചിത്രത്തിന്റെ ഒ.ടി.ടി റൈറ്റ്‌സ് സ്വന്തമാക്കിയിരിക്കുന്നത്. ലെറ്റ്‌സ് സിനിമ ആണ് ഇക്കാര്യം ട്വീറ്റ് ചെയ്തിരിക്കുന്നത്. നവാഗതനായ ആല്‍വിന്‍ ഹെന്റി ആണ് ചിത്രം സംവിധാനം ചെയ്തത്. ആനന്ദ് സി ചന്ദ്രന്‍ ആണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്.
#LetsCinema Exclusive: Malavika Mohanan, Mathew Thomas starrer #Christy streaming rights bagged by SonyLiv.
Premieres this month. pic.twitter.com/6bKjSCqstp
— LetsCinema (@letscinema) March 1, 2023
ജോയ് മാത്യു, വിനീത് വിശ്വം രാജേഷ് മാധവന്‍, മുത്തുമണി. ജയാ എസ് കുറുപ്പ്, വീണാ നായര്‍ മഞ്ജു പത്രോസ്, സ്മിനു സിജോ, എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഗോവിന്ദ് വസന്തയാണ് സംഗീത സംവിധാനം.
ബെന്യാമനും ജി ആര്‍ ഇന്ദുഗോപനും ഒത്തുചേര്‍ന്ന് തിരക്കഥ രചിക്കുന്ന ചിത്രത്തിന്റെ പ്രഖ്യാപനം വലിയ ശ്രദ്ധയാകര്‍ഷിച്ചിരുന്നു. ഒരിടവേളയ്ക്ക് ശേഷം മാളവിക മോഹനന്‍ മലയാളത്തില്‍ അഭിനയിക്കുന്ന ചിത്രം എന്ന പ്രത്യേകതയും ക്രിസ്റ്റിക്ക് ഉണ്ടായിരുന്നു.
Read more
‘പട്ടം പോലെ’, ‘ഗ്രേറ്റ് ഫാദര്‍’ എന്നീ ചിത്രങ്ങള്‍ക്കു ശേഷം മാളവികാ മോഹനന്‍ മലയാളത്തില്‍ അഭിനയിക്കുന്ന ചിത്രമാണിത്. വിവാഹമോചിതയായ ട്യൂഷന്‍ ടീച്ചറോട് വിദ്യാര്‍ഥിക്ക് തോന്നുന്ന പ്രണയമാണ് ക്രിസ്റ്റി പറഞ്ഞത്.
