മഹേഷ് ബാബു ചിത്രം ‘ഖലേജ’യുടെ റീ റിലീസിനിടെ രോക്ഷാകുലരായി ആരാധകര്‍. റീ റിലീസില്‍ സിനിമയുടെ പ്രധാനപ്പെട്ട പല ഭാഗങ്ങളും വെട്ടിയാണ് ചിത്രം റീ റിലീസ് ചെയ്തത് എന്നാണ് ആരോപണം. ആരാധകര്‍ തിയേറ്റര്‍ തകര്‍ക്കുകയും ജീവനക്കാരോട് കയര്‍ക്കുകയും ചെയ്യുന്ന വീഡിയോകളാണ് സോഷ്യല്‍ മീഡിയയില്‍ എത്തിയിരിക്കുന്നത്.
റീ റിലീസില്‍ സിനിമയിലെ പല ഭാഗങ്ങളും ഇല്ലായിരുന്നു. ചില സംഭാഷണങ്ങളും, പാട്ടുകളും സിനിമയില്‍ ഉണ്ടായിരുന്നില്ല. ഈ റീ റിലീസുകൊണ്ട് എന്താണ് പ്രയോജനം എന്നാണ് ഒരു ആരാധകന്‍ സോഷ്യല്‍ മീഡിയയില്‍ കുറിച്ചത്. ആരാധകരുടെ അമര്‍ഷവും അക്രമ സംഭവങ്ങളും വൈറലായതോടെ സിനിമാ നിര്‍മ്മാതാക്കള്‍ അയച്ച ഉള്ളടക്കം മാത്രമാണ് തങ്ങള്‍ പ്രദര്‍ശിപ്പിച്ചതെന്ന് തിയേറ്ററടമകള്‍ വ്യക്തമാക്കി.
Orey song cut chesaru ani chepali kadha raa mundhey fans tho aatalu adadhu @KhalejaTheFilm direct adham pagal dengaru manolu cinema api dengaru …
(Sunday monday song ledhu movie lo)
#Khaleja4K pic.twitter.com/kXGFMJZbyG— Koushik Naidu (@M_Koushik1203) May 29, 2025
എന്നാല്‍ ചിത്രത്തിന്റെ നിര്‍മാതാക്കള്‍ ഖലേജയുടെ എല്ലാ ഭാഗവും കൂട്ടിച്ചേര്‍ത്തതായി സോഷ്യല്‍ മീഡിയയില്‍ പറഞ്ഞു. ‘എല്ലാ ഭാഗങ്ങളും കൂട്ടിച്ചേര്‍ത്തിരിക്കുന്നു. ഖലേജ ഫോര്‍ കെ ദൃശ്യമികവില്‍ എല്ലാവരും കാണുക’ എന്നാണ് നിര്‍മ്മാതാക്കളുടെ പോസ്റ്റ്. സംഭവത്തില്‍ മഹേഷ് ബാബു പ്രതികരിച്ചിട്ടില്ല.
Read more
മഹേഷ് ബാബുവിനൊപ്പം അനുഷ്‌ക ഷെട്ടി, പ്രകാശ് രാജ്, റാവു രമേശ്, ഷാഫി, സുനില്‍, അലി, സുബ്ബരാജു എന്നിവര്‍ വേഷമിട്ട ചിത്രമാണ് ഖലേജ. ത്രിവിക്രം ശ്രീനിവാസ് സംവിധാനം ചെയ്ത ചിത്രം 2010ല്‍ ആയിരുന്നു ആദ്യം തിയേറ്ററുകളില്‍ എത്തിയത്. അന്ന് നല്ല പ്രതികരണങ്ങള്‍ ലഭിച്ചില്ലെങ്കിലും സിനിമ കള്‍ട്ട് പദവി നേടിയിരുന്നു.
