ലിയോ റിലീസായതുമുതൽ വലിയ ആഘോഷത്തിലാണ് തെന്നിന്ത്യൻ സിനിമ ലോകം. ഗംഭീര കളക്ഷൻ റിപ്പോർട്ടുകൾക്കൊപ്പം മികച്ച പ്രേക്ഷക പ്രതികരണവുമാണ് ചിത്രത്തിന് ലഭിച്ചുകൊണ്ടിരിക്കുന്നത്.
ലിയോ എൽസിയുവിൽ ഉൾപ്പെടുന്നതുകൊണ്ട് തന്നെ റിലീസ് ദിവസം തൊട്ട് നിരവധി ഫാൻ തിയറികളാണ് ഇപ്പോൾ പുറത്തുവന്നുകൊണ്ടിരിക്കുന്നത്. എന്നാൽ ഇപ്പോഴിതാ ആരാധകരെ ആവേശം കൊള്ളിച്ചുകൊണ്ട് ലോക്കിവേഴ്സ് 2.0 തീം മ്യൂസിക് പുറത്തുവിട്ടിരിക്കുകയാണ് അണിയറപ്രവർത്തകർ. അനിരുദ്ധ് രവിചന്ദർ തന്നെയാണ് തീം മ്യൂസിക് കമ്പോസ് ചെയ്തിരിക്കുന്നത്.
പത്ത് മണിക്കൂറിനുള്ളിൽ 2 മില്ല്യൺ വ്യൂസ് ആണ് തീം മ്യൂസിക്കിന് ലഭിച്ചുകൊണ്ടിരിക്കുന്നത്. വിക്രമിലെയും കൈതിയിലെയും ലിയോയിലെയും പശ്ചാത്തല സംഗീതത്തിന്റെ ബെസ്റ്റ് മിക്സ് ആണ് തീം മ്യൂസിക്കിൽ ഉള്ളത്.ലിയോയും റോളക്സും വിക്രമും ദില്ലിയും ഒറ്റ ഫ്രെയിമിൽ വന്ന ആവേശത്തിലാണ് ആരാധകർ.
അതേ സമയം ബോക്‌സ് ഓഫീസില്‍ വന്‍ കുതിപ്പാണ് ലോകേഷ്- വിജയ് കൂട്ടുക്കെട്ടിലിറങ്ങിയ ‘ലിയോ’ നടത്തികൊണ്ടിരിക്കുന്നത്. ഇന്ത്യന്‍ സിനിമയില്‍ സമീപകാലത്ത് ലഭിച്ച ഏറ്റവും ഉയര്‍ന്ന ഓപ്പണിംഗ് കളക്ഷന്‍ ആയിരുന്നു ലിയോക്ക് ലഭിച്ചത്. ഷാരൂഖ് ഖാന്‍ ചിത്രങ്ങളായ ‘പഠാന്‍’, ‘ജവാന്‍’ എന്നീ ചിത്രങ്ങളെ പിന്നിലാക്കിയാണ് ലിയോയുടെ കുതിപ്പ്.
Read more
തൃഷ, സഞ്ജയ് ദത്ത്, അര്‍ജുന്‍ സര്‍ജ, ഗൗതം മേനോന്‍, മിഷ്‌കിന്‍, മാത്യു തോമസ്, മന്‍സൂര്‍ അലി ഖാന്‍, പ്രിയ ആനന്ദ്, സാന്‍ഡി, ജനനി, അഭിരാമി വെങ്കിടാചലം, ബാബു ആന്റണി എന്നിവരാണ് ചിത്രത്തിലെ മറ്റ് താരങ്ങള്‍. സെവന്‍ സ്‌ക്രീന്‍ സ്റ്റുഡിയോ, ദി റൂട്ട് എന്നിവയുടെ ബാനറുകളില്‍ ലളിത് കുമാറും ജഗദീഷ് പളനിസാമിയും ചേര്‍ന്നാണ് ലിയോ നിര്‍മിച്ചത്.
