കുഞ്ചാക്കോ ബോബന്റെ പുതിയ സോഷ്യല്‍ മീഡിയ പോസ്റ്റ് വൈറല്‍. ഹെലികോപ്റ്ററില്‍ കേറി നിന്ന് ബസ് കണ്ടക്ടര്‍മാരെ പോലെ ”വൈറ്റില വൈറ്റില, പാലാരിവട്ടം” എന്ന് വിളിച്ചു പറയുന്ന കുഞ്ചാക്കോ ബോബനെ വീഡിയോയില്‍ കാണാം. കുടുംബത്തിനൊപ്പം നടത്തിയ യാത്രയ്ക്കിടയില്‍ പകര്‍ത്തിയ ദൃശ്യങ്ങളാണിത്.
‘ബസ്സ് കണ്ടക്റ്ററായിരുന്ന ഇരവി, ഇപ്പോള്‍ ഫ്ളൈറ്റ് കണ്ടക്റ്ററായിരിക്കുന്നു’ എന്ന അടിക്കുറിപ്പാണ് വീഡിയോയ്ക്കു നല്‍കിയിരിക്കുന്നത്. രസകരമായ കമന്റുകളാണ് വീഡിയോക്ക് ലഭിക്കുന്നത്. ‘എയര്‍ കേരള, നാലു ബൈപാസ് ജംഗ്ഷന്‍’, ‘ആകാശത്ത് ചുഴുയണ്ട്, ന്നാ താന്‍ പോയി കേസ് കൊട്’ എന്നാണ് ചില കമന്റുകള്‍.
‘ഓര്‍ഡനറി’യുടെ രണ്ടാം ഭാഗത്തിനായുള്ള പുറപ്പാടിലാണോ എന്നും ചിലര്‍ ചോദിക്കുന്നുണ്ട്. ഓര്‍ഡിനറി എന്ന ചിത്രത്തില്‍ ബസ് കണ്ടക്ടര്‍ ഇരവി കുട്ടന്‍ പിളള ആയാണ് കുഞ്ചാക്കോ വേഷമിട്ടത്. ഈ കഥാപാത്രത്തിന്റെ പേരിലാണ് വീഡിയോ പങ്കുവച്ചിരിക്കുന്നത്.
Read more
അതേസമയം, അരവിന്ദ് സ്വാമിക്കൊപ്പമുള്ള ‘ഒറ്റ്’ ആണ് കുഞ്ചാക്കോയുടെതായി ഒടുവില്‍ തിയേറ്ററുകളിലെത്തിയ ചിത്രം. സെപ്റ്റംബര്‍ 8ന് റിലീസ് ചെയ്ത ചിത്രത്തിന് സമ്മിശ്ര പ്രതികരണമാണ് തിയേറ്ററില്‍ നിന്നും ലഭിക്കുന്നത്. താരത്തിന്റെ ന്നാ താന്‍ പോയി കേസ് കോട് എന്ന ചിത്രത്തിന് മികച്ച പ്രതികരണമായിരുന്നു ലഭിച്ചിരുന്നത്.
