ദുല്‍ഖര്‍ സല്‍മാന്‍ ചിത്രം ‘കിംഗ് ഓഫ് കൊത്ത’യുടെ ഒ.ടി.ടി സ്ട്രീമിംഗ് തീയതിയില്‍ മാറ്റം. ചിത്രം സെപ്റ്റംബര്‍ 22ന് ഡിസ്‌നി പ്ലസ് ഹോട്ട്‌സ്റ്റ്‌റില്‍ എത്തില്ല. ചിത്രത്തിന്റെ സ്ട്രീമിംഗ് സെപ്റ്റംബര്‍ 28നോ 29നോ ആയിരിക്കും എന്നാണ് റിപ്പോര്‍ട്ടുകള്‍. അഭിലാഷ് ജോഷിയാണ് ചിത്രം സംവിധാനം ചെയ്തത്.
ഓണം റിലീസ് ആയി ഏറെ പ്രതീക്ഷകളോടെയാണ് കിംഗ് ഓഫ് കൊത്ത തിയേറ്ററുകളില്‍ എത്തിയത്. എന്നാല്‍ ഒരുപാട് പ്രീ റിലീസ് ഹൈപ്പ് നേടിയ ചിത്രത്തിന് ബോക്‌സ് ഓഫീസില്‍ നിന്നും നിരാശയാണ് ലഭിച്ചത്. പാന്‍ ഇന്ത്യന്‍ താരമായ ദുല്‍ഖറിന് 40 കോടി കളക്ഷന്‍ മാത്രമേ നേടാന്‍ സാധിച്ചിട്ടുള്ളു.
അഭിലാഷ് എന്‍ ചന്ദ്രനായിരുന്നു തിരക്കഥ. ഛായാഗ്രാഹണം നിര്‍വഹിച്ചത് നിമീഷ് രവിയാണ്. ജേക്‌സ് ബിജോയ്‌യും ഷാന്‍ റഹ്‌മാനുമാണ് സംഗീതം ഒരുക്കിയത്. സീ സ്റ്റുഡിയോസും ദുല്‍ഖറിന്റെ വേഫേറെര്‍ ഫിലിംസും ചേര്‍ന്നാണ് ദുല്‍ഖറിന്റെ കിംഗ് ഓഫ് കൊത്ത നിര്‍മിച്ചത്. പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍.
Read more
കരൈക്കുടിയായിരുന്നു പ്രധാന ലൊക്കേഷന്‍. ഷബീര്‍ കല്ലറക്കല്‍, പ്രസന്ന, ചെമ്പന്‍ വിനോദ്, ഗോകുല്‍ സുരേഷ്, വടചെന്നൈ ശരണ്‍, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖാ സുരേന്ദ്രന്‍ എന്നിവരാണ് ചിത്രത്തില്‍ പ്രധാന വേഷങ്ങളിലെത്തിയത്.
