മലയാളത്തിന്റെ ലേഡി സൂപ്പര് സ്റ്റാര് മഞ്ജുവാര്യരെ കേന്ദ്ര കഥാപാത്രമാക്കി സനല്കുമാര് ശശിധരന് സംവിധാനം ചെയ്യുന്ന “കയറ്റ”ത്തിന്റെ ഫസ്റ്റ്ലുക്ക് പോസ്റ്റര് പുറത്ത്. ഹിമാലയന് മലനിരകളിലൂടെയുള്ള ട്രെക്കിങ്ങാണ് ചിത്രത്തിന്റെ ആധാരം. മലയാളത്തിന് പുറമേ സിനിമയ്ക്കായി രൂപപ്പെടുത്തിയ അഹര് സംസ എന്ന ഭാഷയിലും കഥാപാത്രങ്ങള് സംസാരിക്കുന്നുണ്ട്.
വേദ് വൈബ്സ്, പുതുമുഖ താരം ഗൗരവ് രവീന്ദ്രന് എന്നിവര് പ്രധാന വേഷങ്ങളിലെത്തുന്നു. സുജിത് കോയിക്കല്, രതീഷ് ഈറ്റില്ലം, ദേവനാരായണന്, സോണിത് ചന്ദ്രന്, ആസ്ത ഗുപ്ത, അഷിത, നന്ദു, ഭൂപേന്ദ്ര ഖുറാന എന്നിവരും ചിത്രത്തിലെത്തുന്നു. ചിത്രത്തിലെ പത്ത് പാട്ടുകളും ചിട്ടപ്പെടുത്തിയിരിക്കുന്നത് രതീഷ് ഈറ്റില്ലമാണ്.
Read more
മഞ്ജു വാര്യര് പ്രൊഡക്ഷന്സ്, നിവ് ആര്ട്ട് മൂവീസ് എന്നീ ബാനറുകളില് മഞ്ജു വാര്യര്, ഷാജി മാത്യു, അരുണ മാത്യു എന്നിവര് ചേര്ന്നാണ് ചിത്രം നിര്മ്മിക്കുന്നത്. കയറ്റത്തിന്റെ ചിത്രീകരണത്തിനായി ഹിമാചല് പ്രദേശിലെത്തിയ മഞ്ജുവും ഷൂട്ടിംഗ് സംഘവും കനത്ത മഴയിലും മണ്ണിടിച്ചിലിലും കുടുങ്ങിയിരുന്നു.