‘പൊന്നിയിന്‍ സെല്‍വന്‍ 2’ റെക്കോര്‍ഡ് കളകഷനുമായി മുന്നേറുകയാണ്. റിലീസ് ചെയ്ത് 3 ദിവസങ്ങള്‍ പിന്നിട്ടപ്പോള്‍ ചിത്രം 200 കോടി ക്ലബ്ബില്‍ കയറിയിരുന്നു. ചിത്രത്തില്‍ വല്ലവരയന്‍ വന്ദിയതേവന്‍ എന്ന കഥാപാത്രമായാണ് കാര്‍ത്തി വേഷമിട്ടത്. താരത്തിന്റെ പ്രകടനം ഏറെ ശ്രദ്ധ നേടിയിരുന്നു.
പൊന്നിയിന്‍ സെല്‍വന്‍ കണ്ട് ഫ്‌ളാറ്റായ രണ്ട് ആരാധകരാണ് ഇപ്പോള്‍ കാര്‍ത്തിയെ കാണാനായി എത്തിയിരിക്കുന്നത്. ഈ വാര്‍ത്തയാണ് ഇപ്പോള്‍ ശ്രദ്ധ നേടുന്നത്. ജപ്പാനില്‍ നിന്നുള്ള ആരാധകരാണ് കാര്‍ത്തിയെ കാണാന്‍ എത്തിയത്. നാല് തവണയാണ് ഈ ആരാധകര്‍ പിഎസ് 2 കണ്ടത്.
ജപ്പാനില്‍ നിന്നുമെത്തിയ ആരാധകര്‍ക്കൊപ്പമുള്ള കാര്‍ത്തിയുടെ ചിത്രങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുകയാണ്. കാര്‍ത്തി ഫാന്‍ ക്ലബ്ബിന്റെ ട്വിറ്റര്‍ പേജിലാണ് ചിത്രങ്ങള്‍ വന്നത്. കാര്‍ത്തിയെ കാണാന്‍ വേണ്ടി മാത്രമാണ് തെരുമിയും ഇസാവോയും ജപ്പാനില്‍ നിന്നും ചെന്നൈയില്‍ എത്തിയത്.
#PonniyinSelvan | After #Rajini it’s for #Karthi !!
Karthi fans from Japan came to Chennai, to watch #PonniyinSelvan2 with Tamil audience.
Apparently, they watched movie for about 4 times and also happened to meet actor Karthi at his residence pic.twitter.com/JUj9rhwmyh
— Ramesh Bala (@rameshlaus) May 1, 2023
മൂന്ന് ദിവസത്തേക്കാണ് ഇരുവരും എത്തിയത്. ഇതിനിടയിലാണ് ഇവര്‍ നാല് തവണ പൊന്നിയന്‍ സെല്‍വന്‍ കണ്ടത്. ചിത്രം കണ്ടു കഴിഞ്ഞപ്പോള്‍ കാര്‍ത്തിയെ നേരിട്ട് കാണണമെന്ന ആഗ്രഹമായി. തുടര്‍ന്ന് ദക്ഷിണേന്ത്യയിലെ ഏറ്റവും പഴക്കമുള്ള ജപ്പാന്‍ ഭാഷാ ഇന്‍സ്റ്റിറ്റ്യൂട്ടായ Abk-Aots Dosokai Centerല്‍ എത്തി കാര്‍ത്തിയുമായുള്ള കൂടിക്കാഴ്ച്ചയ്ക്കായി അഭ്യര്‍ത്ഥിച്ചു.
Read more
എന്തായാലും ഇരുവരുടേയും ശ്രമം വിഫലമായില്ല. തന്നെ കാണാന്‍ ജപ്പാനില്‍ നിന്നെത്തിയ ആരാധകരെ കാര്‍ത്തി സ്വന്തം വസതിയിലേക്ക് ക്ഷണിച്ചു. വീട്ടില്‍ അതിഥികളെ സത്ക്കരിച്ച കാര്‍ത്തി നിരവധി ഫോട്ടോയും ഇവര്‍ക്കൊപ്പം എടുത്തു.
