ബോക്‌സ് ഓഫീസില്‍ കാര്യമായ മുന്നേറ്റം നടത്താതെയാണ് രാഘവ ലോറന്‍സ്-കങ്കണ റണാവത്ത് ചിത്രം ‘ചന്ദ്രമുഖി 2’ പ്രദര്‍ശനം തുടരുന്നത്. പ്രതീക്ഷിച്ചത്ര നേട്ടത്തിലേക്ക് ചന്ദ്രമുഖി 2 എത്തിയില്ലെങ്കിലും ദിവസങ്ങള്‍ കൊണ്ട് 28 കോടി കളക്ഷന്‍ ചിത്രം നേടിയിട്ടുണ്ട്. ചിത്രത്തിനായി കങ്കണ വാങ്ങിയ പ്രതിഫലമാണ് ഇപ്പോള്‍ ചര്‍ച്ചകളില്‍ നിറയുന്നത്.
തെന്നിന്ത്യയില്‍ ഒരു ബോളിവുഡ് നടിക്ക് ലഭിക്കാവുന്ന ഏറ്റവും കൂടുതല്‍ തുകയാണ് കങ്കണയ്ക്ക് പ്രതിഫലമായി ലഭിച്ചിരിക്കുന്നത്. അഞ്ച് കോടി രൂപയാണ് സിനിമയ്ക്കായി കങ്കണയ്ക്ക് ലഭിച്ച പ്രതിഫലമെന്നാണ് റിപ്പോര്‍ട്ടുകള്‍. ചന്ദ്രമുഖി 2 തമിഴില്‍ കൂടാതെ തെലുങ്ക്, ഹിന്ദി ഭാഷകളിലും റിലീസ് ചെയ്തിരുന്നു.
ഇതോടെ ‘ദേവരാ’ എന്ന തെലുങ്ക് ചിത്രത്തില്‍ അഭിനിച്ചതിന് ജാന്‍വി കപൂര്‍ പ്രതിഫലമായി വാങ്ങിയ 4 കോടി രൂപയുടെ റെക്കോഡാണ് കങ്കണ മറികടന്നിരിക്കുന്നത്. തലൈവി എന്ന ചിത്രത്തിന് ശേഷം കങ്കണ റണാവത്ത് പ്രധാന വേഷത്തിലെത്തുന്ന രണ്ടാമത്തെ തമിഴ് ചിത്രമായിരുന്നു ചന്ദ്രമുഖി 2.
Read more
രജനികാന്ത് നായകനായ ‘ചന്ദ്രമുഖി’ ഒന്നാം ഭാഗം വലിയ ഹിറ്റ് ആയി മാറിയത് കൊണ്ട് തന്നെ രണ്ടാം ഭാഗത്തിനും വലിയ പ്രതീക്ഷയാണ് പ്രേക്ഷകരില്‍ നിന്നുണ്ടായിരുന്നത്. പക്ഷെ ചിത്രത്തിന്റെ ട്രെയ്‌ലര്‍ എത്തിയപ്പോള്‍ മുതല്‍ വിമര്‍ശനങ്ങളായിരുന്നു ലഭിച്ചത്. പി വാസു സംവിധാനം ചെയ്ത ചിത്രം സെപ്റ്റംബര്‍ 28ന് ആണ് റിലീസ് ചെയ്തത്.
