ഒരിടവേളയ്ക്ക് ശേഷം ജോജു ജോർജ് എത്തുന്ന ഫാമിലി ത്രില്ലർ ചിത്രം ‘പുലിമട’യുടെ ട്രെയിലർ പുറത്തിറങ്ങി. പ്രശസ്ത സംവിധായകൻ എ. കെ സാജനാൻ ചിത്രം സംവിധാനം ചെയുന്നത്. സെന്റ് ഓഫ് എ വുമൺ (പെണ്ണിന്റെ സുഗന്ധം) എന്ന ടാഗ് ലൈനോടുകൂടിയാണ് ചിത്രം എത്തുന്നത്.
ചിത്രത്തിൽ നായികമാരായി എത്തുന്ന ഐശ്വര്യ രാജേഷിനെയും ലിജോമോളുടെയും ഗംഭീര പ്രകടനവും ട്രെയിലറിൽ കാണാം. ഇൻക്വിലാബ് സിനിമാസ്, ലാൻഡ് സിനിമാസ് എന്നീ ബാനറുകളിൽ രാജേഷ് ദാമോദരനും സിജോ വടക്കനും ചേർന്ന് നിർമിക്കുന്ന ചിത്രം പാൻ ഇന്ത്യൻ ചിത്രമായാണ് എത്തുന്നത്.
ചെമ്പൻ വിനോദ്, ബാലചന്ദ്ര മേനോൻ, ജിയോ ബേബി, ജോണി ആന്റണി, ജാഫർ ഇടുക്കി, തുടങ്ങീ നിരവധി താരങ്ങളാണ് ചിത്രത്തിൽ അണിനിരക്കുന്നത്. പ്രശസ്ത ഛായാഗ്രഹകനും സംവിധായകനുമായ വേണുവാണ് പുലിമടയുടെ ഛായാഗ്രഹണം നിർവഹിക്കുന്നത്.
വിൻസെന്റ് സ്കറിയ എന്ന പൊലീസ് ഓഫീസറുടെ വിവാഹവും അതിനോടനുബന്ധിച്ച് നടക്കുന്ന കാര്യങ്ങളുമാണ് ചിത്രം ചർച്ചചെയ്യുന്നത്. ചിത്രം ഒക്ടോബർ 26-ന് തിയേറ്ററുകളിൽ എത്തും. വയനാടായിരുന്നു പ്രധാന ലൊക്കേഷൻ.
Read more
പ്രേക്ഷകശ്രദ്ധ ആകർഷിച്ച ഇരട്ട, നായാട്ട്, ജോസഫ് എന്നീ സിനിമകളിലൂടെ ശ്രദ്ധേയമായ പൊലീസ് കഥാപാത്രങ്ങളെ അവതരിപ്പിച്ച് പ്രശംസകൾ ഏറ്റുവാങ്ങിയ താരമാണ് ജോജു ജോർജ്. അതുകൊണ്ട് തന്നെ ഈ ചിത്രവും പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്.
