റോജിൻ ജോസഫ് സംവിധാനം ചെയ്ത് ജയസൂര്യ നായകനായെത്തുന്ന ബിഗ് ബഡ്ജറ്റ് ചിത്രമാണ് ‘കത്തനാർ’. ഹൊറർ- ത്രില്ലർ ഴോണറിലൊരുങ്ങുന്ന സിനിമയ്ക്ക് വലിയ പ്രതീക്ഷകളാണ് ഉള്ളത്.
നിലവിൽ മലയാളത്തിൽ എമ്പുരാനോടൊപ്പം നിൽക്കുന്ന ബിഗ് ബഡ്ജറ്റ് സിനിമയാണ് കത്തനാർ എന്നാണ് പുറത്തുവരുന്ന റിപ്പോർട്ടുകൾ. ഇപ്പോഴിതാ ചിത്രത്തിന്റെ മൂന്നാം ഷെഡ്യൂൾ ആരംഭിച്ചിരിക്കുകയാണ്. ഇനിയും 150 ദിവസത്തെ ഷൂട്ടിംഗ് കൂടി ചിത്രത്തിന് ബാക്കിയുണ്ട്.
ജയസൂര്യയുടെ കരിയറിലെ വ്യത്യസ്തമായ വേഷം തന്നെയാവും കത്താനാരിലേത്. ബോളിവുഡ് താരം അനുഷ്ക ഷെട്ടിയാണ് ചിത്രത്തിൽ നായികയായി എത്തുന്നത്. കൊറിയൻ വംശജനും കനേഡിയൻ പൌരനുമായ ജെ ജെ പാര്‍ക്ക് ആണ് കത്തനാരിൽ സ്റ്റണ്ട് കൊറിയോഗ്രാഫി നിര്‍വഹിക്കുന്നത്.
#Kathanar 3rd Schedule Started !!
Still 150 days of shooting to go.
Undoubtedly the biggest Malayalam project currently completed or in production on par with #Empuraan or just below it. pic.twitter.com/1zoFIvevP3
— Friday Matinee (@VRFridayMatinee) November 9, 2023
Read more
നൂതന സാങ്കേതികവിദ്യയായ വിഎഫ്എക്സ് ആൻഡ് വെര്‍ച്വല്‍ പ്രൊഡക്ഷൻസിലൂടെയാണ് അവതരണം. അതുകൊണ്ട് തന്നെ വലിയ സെറ്റാണ് ചിത്രത്തിന് വേണ്ടി ഒരുക്കിയിരിക്കുന്നത്. ഗോകുലം ഗോപാലൻ ആണ് ചിത്രം നിർമ്മിക്കുന്നത്. ആർ. രാമാനന്ദിന്റെ തിരക്കഥയ്ക്ക് ഛായാഗ്രഹണം നിർവഹിക്കുന്നത് നീൽ കുഞ്ഞയാണ്. രാഹുൽ സുബ്രഹ്മണ്യനാണ് ചിത്രത്തിൽ സംഗീത സംവിധാനം നിർവഹിക്കുന്നത്.
