ജയറാമിനൊപ്പം ശബരിമലയില്‍ ദര്‍ശനം നടത്തി പാര്‍വതി. ആദ്യമായാണ് ജയറാമും പാര്‍വതിയും ഒരുമിച്ച് ശബരിമലയില്‍ എത്തുന്നത്. മാലയിട്ട്, ഭക്തിനിര്‍ഭരമായി ശബരിമലയില്‍ പ്രാര്‍ത്ഥന നടത്തുന്ന ചിത്രങ്ങള്‍ ജയറാമാണ് സോഷ്യല്‍ മീഡിയയില്‍ പങ്കുവെച്ചിരിക്കുന്നത്.
നിരവധി കമന്റുകളാണ് പോസ്റ്റിന് താഴെ എത്തുന്നത്. 52-53 വയസ് പാര്‍വതിക്ക് കഴിഞ്ഞോ എന്നാണ് ചിലര്‍ ചോദിക്കുന്നത്. ”കാശുള്ളവര്‍ക്ക് എന്തുമാകാം” എന്ന നെഗറ്റീവ് കമന്റുകളും എത്തുന്നുണ്ട്. താരത്തിന് 53 വയസ് ആയെന്ന് വ്യക്തമാക്കി പിന്തുണയുമായി ആരാധകരും എത്തുന്നുണ്ട്.
View this post on Instagram
സന്നിധാനത്ത് ജയറാം പതിവായി എത്താറുണ്ട്. മണ്ഡല- മകരവിളക്ക് വേളകളില്‍ ജയറാം ശബരിമലയില്‍ എത്താറുണ്ട്. അടുത്തിടെ ജയം രവിക്കൊപ്പവും ജയറാം ശബരിമലയില്‍ എത്തിയിരുന്നു. ‘പൊന്നിയിന്‍ സെല്‍വന്‍ 2’ ആണ് ജയറാമിന്റെതായി റിലീസിന് ഒരുങ്ങുന്നത്.
ഏപ്രില്‍ 28ന് റിലീസിന് ഒരുങ്ങുന്ന പൊന്നിയിന്‍ സെല്‍വന്‍2വില്‍ ആള്‍വാര്‍കടിയന്‍ നമ്പി എന്ന കഥാപാത്രമായാണ് ജയറാം വേഷമിടുന്നത്. പൊന്നിയിന്‍ സെല്‍വന്‍ ആദ്യ ഭാഗത്തില്‍ ഏറെ ശ്രദ്ധ നേടിയ കഥാപാത്രമാണിത്. ജയറാമിന്റെ പ്രകടനം പ്രശംസകള്‍ നേടിയിരുന്നു.
Read more
തെലുങ്കിലും തമിഴിലും മലയാളത്തിലുമായി താരത്തിന്റെ മറ്റ് സിനിമകളും ഒരുങ്ങുന്നുണ്ട്. അതേസമയം, വിവാഹത്തിന് ശേഷം അഭിനയത്തില്‍ നിന്നും മാറി നില്‍ക്കുകയാണ് പാര്‍വതി. താരത്തിന്റെ തിരിച്ചു വരവിനെ കുറിച്ചുള്ള ചോദ്യങ്ങള്‍ സോഷ്യല്‍ മീഡിയയില്‍ ചര്‍ച്ചയാവാറുണ്ട്.
