ജൂനിയര്‍ എന്‍ടിആര്‍ ചിത്രം ‘ദേവര’യില്‍ കൊടൂര വില്ലന്‍ ആയി സെയ്ഫ് അലിഖാന്‍. ഭൈര എന്ന കഥാപാത്രമായി എത്തുന്ന സെയ്ഫിന്റെ ക്യാരക്ടര്‍ പോസ്റ്റര്‍ ആണ് ശ്രദ്ധ നേടുന്നത്. പോസ്റ്ററില്‍ ചുരുളന്‍ മുടിയുമായാണ് സെയ്ഫ് പ്രത്യക്ഷപ്പെടുന്നത്. മലകളും മുന്‍ഭാഗത്ത് കടലും കാണാം.
തിരമാലകള്‍ക്കിടയില്‍ കരയില്‍ നില്‍ക്കുന്ന രീതിയിലായിരുന്നു ജൂനിയര്‍ എന്‍ടിആറിന്റെ ഫസ്റ്റ്‌ലുക്ക് എത്തിയത്. അതേ മൂഡാണ് സെയ്ഫിന്റെ ഫസ്റ്റലുക്കിനും. അതേസമയം, ഹൈദരാബാദില്‍ ഇത്രയും ദിവസം ഷൂട്ടിലായിരുന്നു സെയ്ഫ് എന്നാണ് റിപ്പോര്‍ട്ട്. ദൈവം എന്ന അര്‍ത്ഥം വരുന്ന ദേവര ആക്ഷന്‍ ചിത്രമായാണ് ഒരുങ്ങുന്നത്.
പാന്‍ ഇന്ത്യ ചിത്രമായി എത്തുന്ന ചിത്രം യുവസുധ ആര്‍ട്ട്സും എന്‍ടിആര്‍ ആര്‍ട്‌സും ചേര്‍ന്നാണ് നിര്‍മ്മിക്കുന്നത്. 2024 ഏപ്രില്‍ അഞ്ചിനാണ് ചിത്രം റിലീസ് ചെയ്യുക. ജാന്‍വി കപൂറാണ് ചിത്രത്തിലെ നായിക. ജാന്‍വിയുടെ ആദ്യത്തെ തെന്നിന്ത്യന്‍ ചിത്രമാണിത്. രമ്യ കൃഷ്ണനും ചിത്രത്തില്‍ പ്രധാന വേഷത്തില്‍ എത്തുന്നുണ്ട്.
Read more
സംഗീത സംവിധായകനായി അനിരുദ്ധ്, ഛായാഗ്രാഹകനായി രത്‌നവേലു ഐ.എസ്.സി, പ്രൊഡക്ഷന്‍ ഡിസൈനറായി സാബു സിറിള്‍, എഡിറ്ററായി ശ്രീകര്‍ പ്രസാദ് തുടങ്ങി ഇന്ത്യന്‍ സിനിമയിലെ പ്രമുഖരാണ് ചിത്രത്തിലെ മുന്നണിയിലും പിന്നണിയിലും ഉള്ളത്.
