‘ജയിലറി’ന്റെ വമ്പൻ വിജയത്തിന് ശേഷം രജനികാന്ത് നായകനായെത്തുന്ന പുതിയ ചിത്രത്തിൽ രജനിക്ക് വില്ലനായി എത്തുന്നത് മലയാളത്തിൽ നിന്നും സൂപ്പർ താരം ഫഹദ് ഫാസിൽ. ‘ജയ് ഭീം’ എന്ന ചിത്രത്തിനു ശേഷം ടി. ജെ ജ്ഞാനവേലാണ് ‘തലൈവർ 170’ എന്ന് ടാഗ് ലൈൻ കൊടുത്തിരിക്കുന്ന ചിത്രം സംവിധാനം ചെയ്യുന്നത്.
ലോകേഷ് കനകരാജ് സംവിധാനം ചെയ്ത ‘വിക്ര’ത്തിലെ അമീർ ആയും മാരി സെൽവരാജിന്റെ ‘മാമന്നനി’ലെ രത്നവേലായും തമിഴ് സിനിമ പ്രേക്ഷകർക്കിടയിൽ വളരെ സ്വീകാര്യനായ നടനാണ് ഫഹദ് ഫാസിൽ. വിനായകന് ശേഷം മറ്റൊരു മലയാളി താരം കൂടെ രജനിക്കൊപ്പം അഭിനയിക്കുമ്പോൾ മലയാള സിനിമ പ്രേക്ഷകരും വളരെ ആകാംക്ഷയിലാണ്. ചിത്രത്തിന്റെ ഷൂട്ടിംഗിന് വേണ്ടി രജനികാന്ത് ഇന്ന് തിരുവനന്തപുരത്ത് എത്തിയിട്ടുണ്ട്. ചിത്രത്തിൽ ബോളിവുഡ് സൂപ്പർ താരം അമിതാഭ് ബച്ചനും ഒരു പ്രധാന വേഷത്തിലെത്തുന്നുണ്ട്.
Welcoming the incredibly versatile talent 🎭 Mr. Fahadh Faasil ✨ on board for #Thalaivar170🕴🏼#Thalaivar170Team gains a powerful new addition with the astonishing performer 🤨 #FahadhFaasil joining them. 🎬🤗🌟@rajinikanth @tjgnan @anirudhofficial @RanaDaggubati… pic.twitter.com/cOYwaKqbAL
— Lyca Productions (@LycaProductions) October 3, 2023
ചിത്രത്തിന്റെ നിർമ്മാതാക്കളായ ലൈക്ക പ്രൊഡക്ഷൻസ് തന്നെയാണ് കാസ്റ്റിംഗിന്റെ ഔദ്യോഗിക വിവരങ്ങൾ എക്സിലൂടെ പങ്കുവെച്ചത്. ജയിലറിലെ സംഗീത സംവിധാനത്തിന് ശേഷം അനിരുദ്ധ് രവിചന്ദറാണ് തലൈവർ 170 നും സംഗീതം നൽകുന്നത്. രജനിയെയും ഫഹദിനെയും കൂടാതെ മഞ്ജു വാര്യർ, ദുഷാര വിജയൻ, ഋതിക സിംഗ്, റാണ ദഗുബാട്ടി തുടങ്ങീ വമ്പൻ താരനിരയാണ് ചിത്രത്തിന് വേണ്ടി അണിനിരക്കുന്നത്.
വരും ദിവസങ്ങളിൽ ചിത്രത്തിന്റെ കൂടുതൽ വിവരങ്ങൾ പുറത്തുവരുമെന്നാണ് റിപ്പോർട്ടുകൾ. ഒരു പൊലീസ് ഓഫീസറായാണ് ചിത്രത്തിൽ രജനി എത്തുന്നത് എന്നാണ് അറിയാൻ കഴിഞ്ഞത്. ഒക്ടോബർ 10 വരെയാണ് തിരുവനന്തപുരത്ത് വെച്ചുള്ള ചിത്രത്തിന്റെ ഷൂട്ടിംഗ്. ലൈക്ക പ്രൊഡക്ഷൻസിന്റെ ബാനറിൽ സുഭാസ്ക്കരനാണ് ചിത്രം നിർമ്മിക്കുന്നത്.
#Superstar @rajinikanth lands in #Trivandrum for the shoot of #Thalaivar170 . The film produced by @LycaProductions and directed by @tjgnan will happen at Vellayani Agricultural University and a house in Shankumukham regularly used for Malayalam films. pic.twitter.com/Bv860yekW4
— Sreedhar Pillai (@sri50) October 3, 2023
Read more
