സോഷ്യല്‍ മീഡിയയിലൂടെ വൈറലായ മലയാളി മോഡലിനെ സിനിമയിലേക്ക് ക്ഷണിച്ച് സംവിധായകന്‍ രാം ഗോപാല്‍ വര്‍മ്മ. മോഡലായ ശ്രീലക്ഷ്മി സതീഷിനെയാണ് ആര്‍ജിവി എക്‌സിലൂടെ തന്റെ സിനിമയിലേക്ക് ക്ഷണിച്ചിരിക്കുന്നത്. കഴിഞ്ഞ ദിവസം ശ്രീലക്ഷ്മിയുടെ ഒരു ചിത്രം പങ്കുവച്ച് ഇത് ആരാണെന്ന് ആര്‍ജിവി അന്വേഷിച്ചിരുന്നു.
സംവിധായകന്റെ പോസ്റ്റ് വൈറലായതോടെ നിരവധി ആളുകളാണ് കമന്റു ചെയ്തത്. ഇതിന് പിന്നാലെയാണ് ശ്രീലക്ഷ്മിക്ക് അഭിനയിക്കാന്‍ താല്‍മര്യമുണ്ടോ എന്ന് അന്വേഷിച്ച് അദ്ദേഹം വീണ്ടും തുറന്ന ട്വീറ്റുമായി രംഗത്തെത്തിയത്. ഇതോടെ പോസ്റ്റിന് താഴെ ട്രോളുകളും എത്തുന്നുണ്ട്.
Hey Sreelakshmi, https://t.co/CHMo24Exse If you are interested in acting , can you please send me a D M https://t.co/OaeXP9THoj
— Ram Gopal Varma (@RGVzoomin) September 27, 2023
ഇന്‍സ്റ്റഗ്രാം ഇന്‍ഫ്‌ലുവന്‍സര്‍മാരെയും യുട്യൂബര്‍മാരെയും വെറുതെ വിടൂ എന്നായിരുന്നു ഒരാളുടെ അഭ്യര്‍ഥന. ഇതാണ് സെക്യുലര്‍ ആയി അഭിനേതാക്കളെ തിരയാനുള്ള വഴി എന്നും ചിലര്‍ കമന്റു ചെയ്തു. ഇന്‍സ്റ്റഗ്രാം ഇന്‍ഫ്‌ലുവന്‍സറും മോഡലുമാണ് ശ്രീലക്ഷ്മി. പരസ്യ ചിത്രങ്ങളിലും ശ്രീലക്ഷ്മി അഭിനയിച്ചിട്ടുണ്ട്.
Read more
അതേസമയം, ഇന്ത്യന്‍ സിനിമയിലെ പ്രമുഖ സംവിധായകരില്‍ ഒരാളാണ് ആര്‍ജിവി. റിയലിസ്റ്റിക്ക് ആയ നിരവധി സിനിമകള്‍ ആര്‍ജിവി ഒരുക്കിയിട്ടുണ്ട്. എന്നാല്‍ കോവിഡ് കാലത്ത് ലൈംഗികത പ്രമേയമാക്കിയാണ് ആര്‍ജിവി സിനിമകള്‍ ഒരുക്കിയത്. ‘ആര്‍ജിവി വേള്‍ഡ് ശ്രേയാസ്’ എന്ന ആപ്പ് വഴിയാണ് സംവിധായകന്‍ സിനിമകള്‍ റിലീസ് ചെയ്തത്.
