“പതിനെട്ടാം പടി” എന്ന ചിത്രത്തിലൂടെ ശ്രദ്ധേയനായ നടനാണ് ചന്ദുനാഥ്. “ദൃശ്യം” എന്ന ഹിറ്റ് സിനിമക്ക് ശേഷം ജീത്തു ജോസഫ്-മോഹന്‍ലാല്‍ കൂട്ടുകെട്ട് ഒന്നിക്കുന്ന റാമില്‍ ചന്ദുനാഥും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഇപ്പോഴിതാ ഷൂട്ടിംഗിന്റെ ഇടവേളയില്‍ മോഹന്‍ലാലിനും പൃഥ്വിരാജിനും കൂടെ കൂട്ടുകാരൊടൊപ്പം ഒത്തുകൂടിയതിന്റെ സന്തോഷം പങ്കുവെച്ചിരിക്കുന്നകയാണ് താരം. കുട്ടിക്കാലം മുതല്‍ സ്വപ്നം കണ്ടുനടക്കുന്ന രണ്ട് സൂപ്പര്‍താരങ്ങള്‍ക്കൊപ്പം ഡിന്നര്‍ കഴിക്കാനും സമയം ചിലവളിക്കാനുമായത് മറക്കാനാവാത്ത ഒന്നാണെന്ന് ചന്ദുനാഖ് പറയുന്നു.
മോഹന്‍ലാല്‍: ഈ അദ്ഭുത മനുഷ്യന്റെ കുസൃതി ചിരിയും , കുട്ടികാലം മുതല്‍ സിനിമയില്‍ മാത്രം കണ്ട ലാല്‍ മാനറിസും കണ്മുന്നില്‍ മിന്നി മറയുന്നത് കൗതുകത്തോടെ നോക്കിനിന്ന ദിവസം … ആ മനുഷ്യന്‍ താരത്തിനപ്പുറം സ്‌നേഹമാകുന്നത് കണ്ട ദിവസം.. നടന്‍, നായകന്‍, താരം, വിസ്മയം, വികാരം.. ഇവയ്ക്കപ്പുറം സ്വന്തം സഹോദരനായി കൂട്ടുകാരനായി ഒപ്പം നില്‍ക്കാന്‍ ഇടം തന്ന ദിവസം.
പൃഥ്വിരാജ് (ലാലേട്ടന്‍): സ്‌കൂള്‍ കാലം മുതല്‍ “ഇങ്ങനെ ആകണം വ്യക്തിത്വം” എന്ന് കണ്ടു അദ്ദേഹത്തിന്റെ ഉയര്‍ച്ചയില്‍ കൂട്ടുകാരോട് തര്‍ക്കിച്ചു വാദിച്ചു വളര്‍ന്ന എനിക്ക് രാജുവേട്ടാ എന്ന് വിളിച്ച എന്നെ തോളില്‍ കയ്യിട്ടു ഉറക്കെ ചിരിക്കുകയും ചിന്തിപ്പിക്കുകയും പതിനെട്ടാം പടിയിലെ അഭിനയത്തിന്റെ പ്രശംസിക്കുകയും .. എനിക്ക് പറയാന്‍ ഉള്ള സിനിമ സ്വപ്നങ്ങള്‍ ക്ഷമയോടെ കേള്‍ക്കുകയും ചെയ്ത ദിവസം.
