‘കുറുപ്പ്’ എന്ന ചിത്രത്തിന് ശേഷം ശ്രീനാഥ് രാജേന്ദ്രന് ഒരുക്കുന്ന പുതിയ ചിത്രത്തിലേക്ക് അഭിനേതക്കളെ തേടുന്ന കാസ്റ്റിങ് കാള് വീഡിയോ ശ്രദ്ധേയമാകുന്നു. എഐ സാങ്കേതിക വിദ്യയിലൂടെ നിര്മ്മിച്ച വീഡിയോയില് വൈക്കം മുഹമ്മദ് ബഷീറാണ് അഭിനേതാക്കളെ തേടുന്നത്. കോഴിക്കോട് പശ്ചാത്തലത്തില് ഒരുങ്ങുന്ന ചിത്രത്തിലേക്ക് യുവതീ-യുവാക്കളെ തേടുന്നതായാണ് കാസ്റ്റിങ് കോള് വീഡിയോ.
”സുന്ദരീ സുന്ദരന്മാരേ… ബ്ലൂവെയ്ല് ഫിലിമ്സിന്റെ ബാനറില് ശ്രീനാഥ് രാജേന്ദ്രന് സംവിധാനം ചെയ്യുന്ന തൊണ്ണൂറുകളിലെ കോഴിക്കോടന് യൗവന കഥ പറയുന്ന പുതിയ മലയാള ചിത്രത്തിലേക്ക് നായികാ – നായകന്മാരെ തേടുന്നു. 18നും 25നും ഇടയില് പ്രായമുള്ള പൂക്കികളും സ്കിബിടികളും താഴെ കാണുന്ന മെയില് ഐഡിയിലേക്ക് പ്രൊഫൈല് അയച്ചോളിന്” എന്ന ക്യാപ്ഷനോടെയാണ് വീഡിയോ എത്തിയിരിക്കുന്നത്.
View this post on Instagram
‘ഫ്രം ദി മേക്കേഴ്സ് ഓഫ് സെക്കന്റ് ഷോ’ എന്ന ടാഗ് ലൈനിലാണ് വീഡിയോ എത്തിയിരിക്കുന്നത്. വീഡിയോയിലെ ചില ഹിഡന് ഡീറ്റൈല്സും ആരാധകര് ഡീകോഡ് ചെയ്തു കഴിഞ്ഞു. പോസ്റ്ററിന്റെ താഴെ ഒളിഞ്ഞിരിക്കുന്ന ‘തൊട്ടപ്പുറത്തെ കവലയില് കുരുടിയും പിള്ളേരും കാണും, ദം ഉള്ളവര് കേറി പോര്..’ എന്നിവ ആരാധകരുടെ ചര്ച്ചകളില് ഇടം നേടിക്കഴിഞ്ഞു.
Read more
അതിനാല് തന്നെ ഇത് ശ്രീനാഥിന്റെ ആദ്യ സിനിമയായ ദുല്ഖര് സല്മാന്റെ അരങ്ങേറ്റ ചിത്രം സെക്കന്റ് ഷോയുടെ രണ്ടാം ഭാഗമാണോ എന്ന തരത്തിലാണ് ആണ് ചര്ച്ചകള് എത്തുന്നത്. ബ്ലൂ വെയില് മോഷന് പിക്ചേഴ്സിന്റെ ബാനറില് ആണ് ചിത്രം നിര്മ്മിക്കുന്നത്. സിനിമയെ കുറിച്ചുള്ള കൂടുതല് വിവരങ്ങള് ഒന്നും അണിയറപ്രവര്ത്തകര് പുറത്തുവിട്ടിട്ടില്ല.
