ശ്രീജിത്ത് വിജയന്റെ സംവിധാനത്തില്‍ ബിബിന്‍ ജോര്‍ജ്ജും നമിതാ പ്രമോദും പ്രധാനവേഷത്തിലെത്തുന്ന “മാര്‍ഗ്ഗംകളി” നാളെ തിയേറ്ററുകളിലെത്തുകയാണ്. കോമഡിയും സസ്‌പെന്‍സും എല്ലാം കൂട്ടിയിണക്കി ഒരു മാസ് എന്റര്‍ടെയിനറായി ഒരുങ്ങുന്ന ചിത്രം റിലീസിന് മുന്നേ തന്നെ പ്രേക്ഷക പ്രീതി നേടി കഴിഞ്ഞു. ചിത്രത്തിലെ ഗാനങ്ങള്‍ ഇതിനോടകം തന്നെ സോഷ്യല്‍ മീഡിയയില്‍ ഹിറ്റാണ്.
“എന്നുയിരെ…” എന്നു തുടങ്ങുന്ന മനോഹര പ്രണയഗാനാണ് ചിത്രത്തിന്റേതായി ഒടുവില്‍ റിലീസ് ചെയ്തത്. പുറത്തിറങ്ങി രണ്ട് ദിനംമാത്രം പിന്നിടുമ്പോല്‍ ഗാനത്തിന് നാല് ലക്ഷത്തിനടുത്ത് കാഴ്ച്ചക്കാരായിട്ടുണ്ട്. ട്രെന്‍ഡിംഗിലും ലിസ്റ്റിലും ഗാനം സ്ഥാനം പിടിച്ചിട്ടുണ്ട്. അക്ബര്‍ ഖാനും സിത്താരയും ചേര്‍ന്ന് ആലപിച്ചിരിക്കുന്ന ഗാനത്തിന്റെ വരികള്‍ ബി.കെ ഹരിനാരായണന്റേതാണ്. ഗോപി സുന്ദറാണ് സംഗീതം.
നേരത്തെ ബിബിന്‍ ജോര്‍ജ്ജ് ആലപിച്ച ചിത്രത്തിലെ “നിനക്കായ് ഞാന്‍…” എന്നു തുടങ്ങുന്ന ഗാനം പുറത്തിറങ്ങിയിരുന്നു. 96 ലൂടെ പ്രേക്ഷകരുടെ മനംകവര്‍ന്ന ഗൗരി കൃഷ്ണയും ബിബിന്‍ ജോര്‍ജ്ജ് കോമ്പോയാണ് ഈ പ്രണയ ഗാനത്തിലുള്ളത്. അബീന്‍രാജിന്റെ വരികള്‍ക്ക് ഗോപി സുന്ദറാണ് സംഗീതം പകര്‍ന്നിരിക്കുന്നത്. “ശിവനേ അന്തോം കുന്തോം…” എന്നു തുടങ്ങുന്ന സൂപ്പര്‍ ഗാനവും ചിത്രത്തിന്റേതായി പുറത്തിറങങ്ങിയിരുന്നു ഇതിനും മികച്ച സ്വീകാര്യതയാണ് ലഭിച്ചു കൊണ്ടിരിക്കുന്നത്.
Read more
ബിബിന്‍ ജോര്‍ജ്, നമിത പ്രമോദ്, ഗൗരി കിഷന്‍, ബൈജു സന്തോഷ്, സിദ്ദിഖ്, ശാന്തികൃഷ്ണ, ഹരീഷ് കണാരന്‍, ധര്‍മ്മജന്‍ ബൊള്‍ഗാട്ടി, ഹരീഷ് കണാരന്‍, ബിന്ദു പണിക്കര്‍, സുരഭി സന്തോഷ്, സൗമ്യാമേനോന്‍, ബിനു തൃക്കാക്കര തുടങ്ങി വന്‍താരനിരയാണ് ചിത്രത്തില്‍ അണിനിരക്കുന്നത്. ലിസ്റ്റിന്‍ സ്റ്റീഫന്‍, ആല്‍വിന്‍ ആന്റണി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ശശാങ്കന്‍ മയ്യനാടിന്റേതാണ് തിരക്കഥ.
